У гэтага паняцця ёсць і іншыя значэнні, гл. Сабор Святога Стэфана. Сабор Святога Стэфана (фр.: Cathédrale Saint-Étienne de Toul) — былы сабор у горадзе Туль (дэпартамент Мёрт і Мозель).
Тульскі сабор доўгі час быў кафедрай дыяцэзіі Туля, якая была створана яшчэ ў 365 годзе. Пазней ён быў і рэзідэнцыяй князя-біскупа Свяшчэннай Рымскай імперыі. Пасля пераходу часткі тэрыторыі Латарынгіі да Францыі, Туль адносіўся да правінцыі Тры Біскупствы. 19 лістапада 1777 года была ўтворана дыяцэзія Нансі, да якой быў далучаны і Туль. Пазней яна ўвайшла ў мітраполію Безансона[5]
Сам сабор быў пабудаваны ў XIII-XV стст. у гатычным стылі.[6] Вышыня вежаў фасада — 65 м, даўжыня — 98 м, памеры трансепта — 56 м на 17 м. Шырыня заходняга фасада — 32 м.[7] Дзве пазней прыбудаваныя капліцы выкананы ў стылі Рэнесансу.
З 1840 года сабор з’яўляецца гістарычным помнікам.[8]
Тульскі сабор на Вікісховішчы |