У Вікіпедыі ёсць артыкулы пра іншых асоб з прозвішчам Кун. Томас Сэмюэл Кун (англ.: Thomas Samuel Kuhn; 18 ліпеня 1922, Цынцынаты, Агая — 17 чэрвеня 1996, Кембрыдж, Масачусетс) — амерыканскі гісторык і філосаф навукі. Прафесар універсітэтаў у Берклі (1958) і Прынстане (1964). Яго кніга «Структура навуковых рэвалюцый» з’яўляецца адной з самых цытуемых навуковых кніг за ўсю гісторыю навукі. У яго канцэпцыі гісторыя навукі разглядаецца як чаргаванне эпізодаў барацьбы розных навуковых супольнасцей, якія фарміруюцца і функцыянуюць на аснове прыняцця іх членамі пэўнай мадэлі навуковай дзейнасці (парадыгмы, або «дысцыплінарнай матрыцы»).