Сімон Візенталь (ням.: Simon Wiesenthal, 31 снежня 1908, Бучач, Аўстра-Венгрыя, цяпер у Цярнопальская вобласць Украіны — 20 верасня 2005, Вена) — аўстрыйскі архітэктар і грамадскі дзеяч, «паляўнічы на нацыстаў».
Нарадзіўся ў Бучачы, у яўрэйскай сям’і. Скончыў тэхнічны ўніверсітэт у Празе, з 1932 года жыў у Львове, працаваў архітэктарам. У 1941 годзе пасля акупацыі Львова нацыстамі Візенталь і яго жонка апынуліся ў львоўскім гета, адкуль ім удалося ўцячы. Аднак у чэрвені 1944 года Візенталя злавілі ў Львове і адправілі ў канцэнтрацыйны лагер Маўтхаўзен, адкуль вызвалены амерыканскімі войскамі 5 мая 1945 года.