Сідо́рніцкі сельсавет — былая адміністрацыйна-тэрытарыяльная адзінка ў складзе Сенненскага раёна Віцебскай вобласці. Цэнтр — вёска Тур’ева.
Утвораны 20 жніўня 1924 года як Сідорніцкі (Тур’еўскі) сельсавет у складзе Багушэўскага раёна Аршанскай акругі БССР. Цэнтр — маёнтак Сідорнічы. У 1926 годзе цэнтр сельсавета перанесены ў вёску Тур’ева. Пасля скасавання акруговай сістэмы 26 ліпеня 1930 года ў Багушэўскім раёне БССР. З 8 ліпеня 1931 года ў складзе Сенненскага раёна БССР, з 20 лютага 1938 года — Віцебскай вобласці. 16 ліпеня 1954 года скасаваны, тэрыторыя далучана да Алексініцкага сельсавета[1].