Сяргей Фёдаравіч Каморнікаў (нар. 1 сакавіка 1959, в. Станькаў, Рагачоўскі раён, Гомельская вобласць) — беларускі матэматык, спецыяліст у галіне матэматычнай логікі, алгебры і тэорыі лікаў. Доктар фізіка-матэматычных навук (1996), прафесар (1997).
Скончыў Гомельскі дзяржаўны ўніверсітэт (спецыяльнасць «Матэматыка», 1980; аспірантура, 1985).
Працуе ў Гомельскім дзяржаўным універсітэце імя Ф. Скарыны (з 1980, эканамічны факультэт, кафедра фінансаў і крэдыту, прафесар, у 2000—2004 — прарэктар па вучэбнай рабоце).
Навуковыя інтарэсы: алгебра (тэорыя груп).