У Вікіпедыі ёсць артыкулы пра іншых асоб з прозвішчам Ермакоў.
Сяргей Фёдаравіч Ермакоў (10 чэрвеня 1955, г. Мар’іна Горка, Пухавіцкі раён, Мінская вобласць — 19 лютага 2022) — беларускі фізік. Доктар тэхнічных навук (2002), прафесар (2008).
Скончыў Гомельскі дзяржаўны ўніверсітэт (спецыяльнасць «Фізіка», 1977), Інстытут механікі металапалімерных сістэм АН БССР (аспірантура, 1981).
Працаваў у Інстытуце механікі металапалімерных сістэм імя У. А. Белага НАН Беларусі (1979—2018, вядучы навуковы супрацоўнік, у 2003—2005 — загадчык лабараторыі, 2005—2012 — загадчык аддзела «Трыбафатыка вадкакрышталічных нанаматэрыялаў», 2012—2018 — загадчык лабараторыі «Трыбафатыка змазачных матэрыялаў»), Беларускім дзяржаўным універсітэце транспарту (па сумяшчальнасці, 2002—2018, прафесар кафедры «Інфармацыйна-кіруючыя сістэмы і тэхналогіі»), Гомельскім дзяржаўным універсітэце імя Ф. Скарыны (з 2018, прафесар кафедры агульнай фізікі).
Навуковыя інтарэсы: фізіка кандэнсаванага стану; матэрыялазнаўства; трэнне і знос у машынах.