У Вікіпедыі ёсць артыкулы пра іншых асоб з прозвішчам Мяжэвіч. Сяргей Лугавеевіч Мяжэвіч (1 снежня 1939, в. Альхавец, Горацкі раён, Магілёўская вобласць — 2014) — беларускі архітэктар.
Скончыў Беларускую сельскагаспадарчую акадэмію ў 1963 годзе. З 1966 года — старшы інжынер, кіраўнік групы архітэктараў, галоўны інжынер праектаў у Магілёўграмадзянпраекце.
Член Саюза архітэктараў СССР з 1972 года. Член КПСС з 1976 года. Пражываў у г. Магілёў.
Асноўныя працы: жылыя пасёлкі Вараніно Быхаўскага (1969), Вільчыцы саўгаса-камбіната «Узыход» Магілёўскага (1972), Вішоў калгаса «Радзіма» Бялыніцкага (1977) раёнаў, машынна-трактарны двор у калгасе імя Кірава Шклоўскага раёна (1978), комплекс па гадоўлі цялятак у саўгасе «Усход» Быхаўскага раёна (1979).
Узнагароджаны сярэбранымі медалямі ВДНГ СССР (1978, 1980).