Вішо́ў[2] (трансліт.: Višoŭ, руск.: Вишов) — аграгарадок у Бялыніцкім раёне Магілёўскай вобласці. Уваходзіць у склад Вішоўскага сельсавета.
Аграгарадок знаходзіцца за 20 км у напрамку на ўсход ад гарадскога пасёлка Бялынічы, за 24 км ад Магілёва. Праз Вішоў працякае рака Вабіч.
Згадваецца ў 1636 годзе як вёска ў складзе маёнтка Княжыцы ўдавы вялікага пісара літоўскага Кшыштафа-Стэфана Сапегі Ганны Аляксандраўны (у дзявоцтве Галоўчынскай) у Аршанскім павеце Вялікага Княства Літоўскага[3]. У 1675 годзе згадваецца як вёска ва ўладанні ў Андрэя Аўрамовіча[4].