wd wp Пошук: ⬜

Сяргей Леанідавіч Сакалоў

У Вікіпедыі ёсць артыкулы пра іншых асоб з прозвішчам Сакалоў. Сяргей Леанідавіч Сакалоў (18 чэрвеня (1 ліпеня) 1911, Еўпаторыя — 31 жніўня 2012, Масква [6]) — савецкі военачальнік, Маршал Савецкага Саюза (1978), Герой Савецкага Саюза, у 1984—1987 гг. — Міністр абароны СССР.

Біяграфія

Скончыў Горкаўскае бранятанкавае вучылішча ў 1934 годзе, Ваенныя акадэміі бранятанкавых і механізаваных войск (1947) і Генштаба (1951). У Чырвонай Арміі з 1932 года. З 1934 года ў танкавых войсках на Далёкім Усходзе, удзельнік баёў на возеры Хасан (1938). У Вялікую Айчынную вайну начальнік штаба ўпраўлення камандуючага бранятанкавымі і механізаванымі войскамі 32-й арміі (1944). З 1947 года камандзір танкавага палка, начальнік штаба танкавай дывізіі, з 1952 года камандзір механізаванай дывізіі, потым начальнік штаба і камандзір аб’яднання. У 1960-64 гадах начальнік штаба — 1-ы намеснік камандзіра войскамі Маскоўскай ваеннай акругі. З 1964 года 1-ы намеснік камандзіра, з 1965 года камандзір войскамі Ленінградскай ваеннай акругі. З 1967 года 1-ы намеснік міністра, у 1984-87 гадах міністр абароны СССР.

Зноскі

1 2 Sergei Leonidovich Sokolov // Find a Grave — 1995. Праверана 9 кастрычніка 2017.
↑ Sergei Leonidovich Sokolov // TracesOfWar
1 2 Sergej Sokolow // Munzinger Personen Праверана 9 кастрычніка 2017.
↑ Соколов Сергей Леонидович // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
↑ Death of Sergey Leonidovich Sokolov, Minister of Defense of the Soviet Union (1984–1987) — Газета.Ru. Праверана 1 верасня 2012.
↑ В Москве умер маршал Сергей Соколов // «Вести» интернет-газета" (VESTI.RU) (руск.)

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.

Спасылкі

Сяргей Леанідавіч Сакалоў на сайце «Героі краіны»