Сяргей Віктаравіч Каламоец
У Вікіпедыі ёсць артыкулы пра іншых асоб з прозвішчам Каламоец. Сяргей Віктаравіч Каламоец (нар. 11 жніўня 1989, Жодзіна, Мінская вобласць[1]) — беларускі лёгкаатлет. Спецыялізуецца ў кіданні молата. Майстар спорту Беларусі міжнароднага класа.
Біяграфія
У 2002—2005 гадах вучыўся ў Гродзенскай абласной СДЮШАР прафсаюзаў «Нёман», першы трэнер — Іванна Міхайлаўна Храмава. У 2005—2009 гадах навучэнец Гродзенскага дзяржаўнага вучылішча алімпійскага рэзерву, трэнер — Міхаіл Анатолевіч Попел. З 2009 года спартсмен Віцебскай абласной школы вышэйшага спартыўнага майстэрства.
Скончыў у 2014 годзе Віцебскі дзяржаўны ўніверсітэт імя П. М. Машэрава. 26 чэрвеня 2015 года выканаў нарматыў для ўдзелу ў Алімпійскіх гульнях 2016 г. на спаборніцтвах у памяць Р. І. Кліма ў горадзе Мінску, з вынікам 77.43 м.
Зараз праходзіць навучанне ў Віцебскім дзяржаўным тэхналагічным універсітэце.
Асабістае жыццё
Пражывае ў Гродне і Віцебску. Жанаты, дзяцей не мае.
Дасягненні
Сярэбраны прызёр Кубка Еўропы па кіданнях 2016 года ў кіданні молата з вынікам 75,17 м[2].
На Чэмпіянаце Еўропы 2016 года заняў 6 месца ў кіданні молата з вынікам 74,65 м[2].
На Летніх Алімпійскіх гульнях 2016 года заняў 9 месца ў кіданні молата з вынікам 74,22 м[2].
| Год | Спаборніцтва | Месца правядзення | Месца | Дысцыпліна | Вынік |
|---|---|---|---|---|---|
| 2008 | Чэмпіянат свету сярод юніёраў |  Быдгашч | 5 месца | кіданне молата | 74,22 |
| 2009 | Чэмпіянат Еўропы сярод моладзі |  Каўнас | 11 месца | кіданне молата | 65,62 |
| 2011 | Кубак Еўропы па зімовых кіданнях |  Сафія | 1 месца[3] | кіданне молата | 72,94 |
| 2011 | Чэмпіянат Еўропы сярод моладзі |  Острава | 6 месца | кіданне молата | 71,84 |
| 2011 | Універсіяда |  Шэньчжэнь | 4 месца | кіданне молата | 72,23 |
| 2012 | Кубак Еўропы па зімовых кіданнях |  Бар | 2 месца | кіданне молата | 75,15 |
| 2013 | Універсіяда |  Казань | 6 месца | кіданне молата | 74,18 |
| 2014 | Чэмпіянат Еўропы |  Цюрых | 18 месца | кіданне молата | 72,14 |
| 2015 | Кубак Еўропы па зімовых кіданнях |  Лейрыя | 7 месца | кіданне молата | 70,71 |
| 2015 | Універсіяда |  Кванджу |  3 месца | кіданне молата | 74,68 |
| 2016 | Кубак Еўропы па кіданнях |  Арад |  2 месца | кіданне молата | 75,17 |
Зноскі
- ↑ Беларускія алімпійцы ў Рыа-дэ-Жанэйра
- 1 2 3 Списочный состав национальной и сборной команды Республики Беларусь по лёгкой атлетике на 2017 год Архівавана 15 лютага 2017.
- ↑ сярод моладзі да 23 гадоў
Спасылкі
На Вікісховішчы ёсць медыяфайлы па тэме Сяргей Віктаравіч Каламоец- Профіль на сайце Рэспубліканскага цэнтра алімпійскай падрыхтоўкі па лёгкай атлетыцы
- Сяргей Віктаравіч Каламоец — профіль на сайце IAAF (англ.)
- Сергей Коломоец Архівавана 23 чэрвеня 2017.
Катэгорыя·Нарадзіліся ў 1989 годзе
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вікіпедыя·Артыкулы пра лёгкаатлетаў без партрэтаў
Катэгорыя·Кідальнікі молата Беларусі
Катэгорыя·Нарадзіліся 11 жніўня
Катэгорыя·Асобы
Катэгорыя·Лёгкаатлеты на летніх Алімпійскіх гульнях 2016 года
Катэгорыя·Вікіпедыя·Біяграфіі сучаснікаў
Катэгорыя·Майстры спорту Беларусі міжнароднага класа
Катэгорыя·Выпускнікі Віцебскага дзяржаўнага ўніверсітэта імя П. М. Машэрава
Катэгорыя·Лёгкаатлеты паводле алфавіта
Катэгорыя·Нарадзіліся ў Гродне