У Вікіпедыі ёсць артыкулы пра іншых асоб з прозвішчам Дарафееў.
Сяргей Алегавіч Дарафееў (нар. 19 мая 1980, Мінск) — беларускі тэлежурналіст.
Нарадзіўся 19 мая 1980 года[1] ў Мінску.
Скончыў Беларускі нацыянальны тэхнічны ўніверсітэт[2].
Тэле- і радыёжурналістыцы вучыўся за мяжой, выйграў грант Дзярждэпартамента ЗША - стажыраваўся ў СМІ Чыкага [2].
Працаваў на радыё «Мір», «Альфа Радыё» і «Юністар».
Сваю кар’еру на АНТ пачаў з пасады рэдактара і вядучага праграмы «Наша раніца» (руск.: “Наше утро”) Да 2010 г. кіраўнік і вядучы ток-шоу «Выбар», праграмы «Выбар+», дырэктар дырэкцыі ранішняга вяшчання на тэлеканале АНТ (Беларусь)[3].
У 2010 г. - пераможца Шостага Нацыянальнага тэлевізійнага конкурсу “Тэлевяршыня” у намінацыі “Лепшы вядучы грамадска-палітычнай (публіцыстычнай) праграмы”. У тым жа годзе чытачы «Камсамолкі» прызналі Дарафеева лепшым беларускім тэлевядучым, а ў 2011 г. аддалі яму тытул секс-сімвала Беларусі[4]. У маі 2011 г. Сяргею Дарафееву прысудзілі спецыяльны прыз «Медыяперсона» як персоне, за якую прагаласавала самая вялікая колькасць журналістаў[5].
У снежні 2010 г. быў адхілены ад эфіру па палітычным матывам [6], у сакавіку 2011 г. быў звольнены з каналу АНТ[7].
Працуе на «5 канале» (Кіеў). Вядзе штосуботнюю праграму «Партрэты» з Сяргеем Дарафеевым», а таксама разам з іншымі журналістамі штодзённую вечаровую праграму «Час. Підсумкі дня». У 2012 г. атрымаў прэмію «Тэлетрыумф» у намінацыі «Інтэрв’юер»[8].
Пасля Сяргей Дарафееў папрацаваў на «Радыё Свабода», жыў у Празе. Але праз 3,5 года звольніўся. У 2018 годзе Сяргей Дарафееў вярнуўся ў Кіеў[9].