wd wp Пошук: ⬜

Сцяпан Антонавіч Калінкоўскі

Сцяпан Антонавіч Калінкоўскі (1 чэрвеня 1918, вёска Даколь, Глускі раён, Магілёўская вобласць — 26 студзеня 1945) — Герой Савецкага Саюза.

Біяграфія

З першых дзён вайны на фронце, ваяваў на Паўночна-Заходнім, 1-м Украінскім, 1-м Беларускім франтах. Механік-вадзіцель танка старшы сяржант С. А. Калінкоўскі вызначыўся пры вызваленні Польшчы. Пры наступленні зімой 1945 года ў складзе экіпажа знішчыў 2 варожыя мінамётныя батарэі, 120 павозак і 11 аўтамашын з боепрыпасамі, многа жывой сілы праціўніка.

22 студзеня 1945 года ў час правядзення разведкі экіпаж яго танка ўварваўся ў населены пункт Кольмар, перарэзаў шлях варожаму чыгуначнаму эшалону і захапіў склады. 23 студзеня авалодаў пераправай цераз Нотаць і ўтрымліваў яе да падыходу падмацавання. 26 студзеня С. А. Каліноўскі загінуў. 24 сакавіка 1945 г. быў пасмяротна ўдастоены звання Героя Савецкага Саюза.

Памяць

Навечна занесены ў спісы вайсковай часці. Яго імем названа вуліца ў Глуску.

Зноскі

Літаратура

Калінкоўскі Сцяпан Антонавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 7: Застаўка — Кантата. — 604 с. — 10 000 экз. — ISBN 985-11-0130-3 (т. 7), ISBN 985-11-0035-8. — С. 469.
Калінкоўскі Сцяпан Антонавіч // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш.. — Мн.: БелСЭ, 1990. — С. 239. — 680 с. — 20 000 экз. — ISBN 5-85700-012-2.

Спасылкі

Калиновский Степан Антонович(руск.) на сайце «Героі краіны»