Сусекскі ўніверсітэт
Сусекскі ўніверсітэт (англ.: University of Sussex) — брытанская дзяржаўная даследчая вышэйшая навучальная ўстанова са статусам універсітэта з сядзібай у горадзе Брайтан і Хоўв.
Агульная характарыстыка
Універсітэт у асноўным знаходзіцца ў межах горада Брайтан і Хоўв. Яго вялікі кампус акружаны нацыянальным паркам Саўт-Даунс і знаходзіцца прыкладна ў 5 кіламетрах ад цэнтра горада. Універсітэт атрымаў каралеўскую хартыю ў жніўні 1961 года.
Больш за траціну навучэнцаў універсітэта навучаецца ў аспірантуры, а каля траціны супрацоўнікаў не з’яўляюцца выхадцамі са Злучанага Каралеўства. Гадавы даход установы за 2019/2020 навучальны год склаў 319,6 мільёна фунтаў стэрлінгаў пры выдатках 282 мільёны фунтаў стэрлінгаў.
Універсітэт мае 5 лаўрэатаў Нобелеўскай прэміі, 15 членаў Каралеўскага таварыства, 10 членаў Брытанскай акадэміі, 24 члены Акадэміі грамадскіх навук і лаўрэатаў прэміі Крафарда. Многія з выкладчыкаў таксама атрымалі прэмію Каралеўскага літаратурнага таварыства, ордэн Брытанскай імперыі і прэмію Бэнкрафта. Сярод выпускнікоў - кіраўнікі дзяржаў, дыпламаты, палітыкі, выбітныя навукоўцы і грамадскія дзеячы.
Зноскі
Спасылкі
На Вікісховішчы ёсць медыяфайлы па тэме Сусекскі ўніверсітэт- Афіцыйная інтэрнэт-старонка ўстановы
Катэгорыя·Навучальныя ўстановы, заснаваныя ў 1959 годзе
Катэгорыя·Брайтан і Хоўв
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Універсітэты паводле алфавіта
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Універсітэты Вялікабрытаніі