Стэцава
Стэ́цава[1] (трансліт.: Stecava, руск.: Стецево) — вёска ў Сенненскім раёне Віцебскай вобласці. Уваходзіць у склад Какоўчынскага сельсавета.
Гісторыя
Вядома прынамсі з сярэдзіны XVI ст., з апісання паветаў утвораных у ВКЛ адміністрацыйнай рэформай 1565-1566 гадоў, як сяло ў Віцебскім павеце на мяжы з Аршанскім.[2]
У 1780 годзе было два паселішчы — сяло Вялікае Стэцава і вёска Малое Стэцава, прыкладна за 100 метраў на паўднёвы ўсход ад ускраіны першага[3]. Пры гэтым Вялікае і Малое Стэцава належалі розным уладальнікам[3]. Станам на 1784 год Малое Стэцава належала Сямёну Аляксандравічу Каханоўскаму[4].
Да 1860 года Малога Стэцава ўжо не існавала, а колішняе Вялікае называлася проста Стэцавам[5]. У 1860 годзе Стэцава купіў Якаў Віктаравіч Гаеўскі, у 1862 годзе аформіў раздзел з сялянамі[6]. Напэўна, на сваёй частцы зямлі Я. В. Гаеўскі заснаваў фальварак Стэцава, на 1882 год да яго маёнтка належала 305 дзесяцін зямлі (125 пад лесам, 90 пад ворывам, 50 пад сенакосам)[6].
Станам на 1910 год, вёска Стэцава ў складзе Расненскай воласці Сенненскага павета Магілёўскай губерні, зямлёй валодала Вялікасельскае сялянскае таварыства. Належала да праваслаўнага прыходу Успення Прасвятой Багародзіцы (Вялікае Сяло). Аднайменным фальваракам Стэцава ў 1910 годзе валодаў дваранін Гаеўскі.[7]
На пачатак 1967 года ў калгасе «Ясная зара», станам на 2015 год — СВК «Ясная зара».[8]
Насельніцтва
- 2003 — 26 двароў, 46 жыхароў[8]
Вядомыя асобы
- Іван Арцёмавіч Шыбека (1930—2005) — партыйны дзеяч БССР, член ЦК КПБ (1976—1984). Старшыня Віцебскага аблвыканкама (1977—1984), дэпутат Вярхоўнага Савета БССР (1967—1971, 1975—1984), член Прэзідыума ВС БССР (1979—1984).[8]
Зноскі
- ↑ Назвы населеных пунктаў…
- ↑ Русская историческая библиотека. Отдел 1-2. — Т.30. — Юрьев, 1914. — № 118, Стб. 894.
- 1 2 Планы генерального межевания…
- ↑ Список шляхты Сенненского повета…
- ↑ Военно-топографическая карта…
- 1 2 Опыт описания Могилевской… С. 198—199.
- ↑ Список населенных мест…
- 1 2 3 Памяць: Сенненскі раён… С. 606.
Літаратура
- Военно-топографическая карта Витебской губернии [Карты]. — [Санкт-Петербург: Военно-топографическое Депо: 1866—1869]. — 1 атл.([25] разв. л.,[1] сб.л.): 1 цв.; 51х36 см.
- Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).
- Опыт описания Могилевской губернии. Под ред. А. С. Дембовецкого. Книга 3. — Могилев, 1884.
- Памяць: гісторыка-дакументальная хроніка Сенненскага раёна / Уклад. С. В. Шайко; мастак Э. Э. Жакевіч. — Мн., 2003. — 616 с.
- Планы генерального межевания Сенненского уезда, 1780.
- Список населенных мест Могилевской губернии. Под ред. Г. П. Пожарова. — Могилев, 1910.
- Список шляхты Сенненского повета Могилёвского наместничества за 1783—1784 гг. // Экономические примечания к Генеральному межеванию Могилёвского наместничества, проведённому Смоленской межевой конторой в период между 23.05.1783 и 10.10.1784 гг.
- Снапкоўскі Ю. Землеўладальнікі Сенненскага павета Магілёўскай губерні часоў Першай сусветнай вайны // Малое Палесьсе / 2012–2013: Гісторыка-краязнаўчы літаратурна-мастацкі альманах Друцка-Бярэзінскага краю / Гал. рэд. А. Аляхновіч. – Крупкі, 2013. – С. 49–69.
- Русская историческая библиотека. Отдел 1-2. — Т.30. — Юрьев, 1914. — № 118, Стб. 894.
- РГИА Ф. 577 Оп. 19 Д. 1292. Главное выкупное учреждение МФ. Номер описи: 19. Дело о выкупе временнообязанными крестьянами земельных наделов у Гаевского Я.В. селения Стецева. (Могилевская губ.) 15 октября 1868 г. - 29 ноября 1869 г.
Спасылкі
На Вікісховішчы пакуль няма медыяфайлаў па тэме, але Вы можаце загрузіць іх
Артыкулы пра населеныя пункты без катэгорыі на Вікісховішчы
Артыкулы пра населеныя пункты Беларусі, створаныя аўтаматычна
Какоўчынскі сельсавет
Населеныя пункты Сенненскага раёна
Населеныя пункты паводле алфавіта