Студзянецкі валун — геалагічны помнік прыроды рэспубліканскага значэння (з 1994). Размешчаны за 2 км ад вёскі Равы, Ашмянскага раёна Гродзенскай вобласці. Назва ад былога хутара Студзянец.
Ружова-шэры граніт рапаківі з крышталямі палявога шпату (авоіды 2-5 см.). Даўжыня 3,8 м, шырыня 2,4 м, вышыня 1,2 м, у абводзе 10 метраў, аб’ём 10,9 м³, маса 29 тон. Прынесены ледавіком каля 150 тысяч гадоў таму з паўднёвага захаду цяперашняй Фінляндыі. Валун прасападобнай формы.