«Стая» — мінская група, якая выконвае хэві-метал (ранні перыяд) і альтэрнатыўны метал, індастрыял-метал у сучаснасці. З’яўляецца найбольш вядомай беларускай групай, якая грала ў жанры «хард-н-хэві»[1]. Першая беларуская метал-група, якая зрабіла майстарынг свайго альбома ў Фінляндыі[2]. У 2008 годзе частка гурта сыходзіць і стварае новы калектыў Allion, але ў 2010 годзе Віктар Новак (які пакінуў гурт яшчэ раней, у 2005 годзе) вяртаецца ў Стаю, што адраджае гурт. Неўзабаве Новак пераязджае ў Славакію, і гурт працягвае сваю дзейнасць на яе тэрыторыі.