У Вікіпедыі ёсць артыкулы пра іншых асоб з прозвішчам Ялейнікаў. Стафан Яфімавіч Ялейнікаў (1907, Мінск — 26 студзеня 1940, Выбаргская губерня, Фінляндыя[1]) — Герой Савецкага Саюза (1940).
Скончыў Смаленскую ваенную пяхотную школу. У Чырвонай Арміі з 1930 года. Удзельнік вызвалення Заходняй Беларусі, савецка-фінляндскай вайны 1939-40. Памочнік начальніка штаба па разведцы лейтэнант Ялейнікаў вызначыўся ў студзені 1940 года ўмелым кіраваннем вышуковым атрадам у час разведкі боем на адным з астравоў возера Суванта-Ярві і выяўленні агнявой сістэмы праціўніка; загінуў у гэтым баі.