У Вікіпедыі ёсць артыкулы пра іншых асоб з прозвішчам Даманава (значэнні). Святлана Уладзіміраўна Дама́нава (18 верасня 1963, Мінск) — беларускі жывапісец.
Скончыла ў 1982 годзе Мінскае мастацкае вучылішча, у 1991 годзе Беларускую акадэмію мастацтваў.
Члены Беларускага саюза мастакоў з 1994 года.
Разнастайная па тэматыцы творчасць пабудавана на кантрастах: работы ў алеі яркія, дынамічныя (трыпціх «Музыканты», «Сасуд», абедзве 1995), у тэмперы — больш мяккія, у блакітна-бірузовым, ружова-пастэльным каларыце (трыпціх «Стыхіі», 1994, «Эўрыдыкі» 1997). Свет створаных ёй вобразаў непаўторны, сімвалічны і сведчыць пра пошук уласнай адметнай стылістыкі.