Саноцкая зямля[а 1] — адна з гістарычных зямель Галічыны з цэнтрам у горадзе Санак, у 1366—1772 гадах — адміністрацыйна-тэрытарыяльная адзінка Рускага ваяводства Каралеўства Польскага і Рэчы Паспалітай.
На паветы зямля не падзялялася. Ахоплівала паўднёва-заходнюю частку Рускага ваяводства ў басейне верхняга і сярэдняга Сяна, ад яго вытокаў да вёскі Дубецка, і ў басейне верхняга Віслака. З поўначы і ўсходу межавала з Перамышльскай зямлёй, з захаду з Кракаўскім і Сандамірскім ваяводствамі. Каля Кросна тады спускаліся межы трох ваяводстваў Рэчы Паспалітай. У 1665 годзе зямля налічвала 371 вёску і 12 гарадоў і мястэчак.