У Вікіпедыі ёсць артыкулы пра іншых асоб з прозвішчам Фергюсан.
Рэбека Луіза Фергюсан Сундстрэм (шведск.: Rebecca Louisa Ferguson Sundström; нар. 19 кастрычніка 1983, Стакгольм) — шведская актрыса.
Рэбека Фергюсан нарадзілася ў Васастане, Стакгольм, Швецыя. Яе маці Размары Фергюсан — англічанка, якая пераехала ў Швецыю ва ўзросце 25 гадоў, а бацька — швед[1]. У Рэбекі трое братоў і сясцёр.
У 1999 годзе яна скончыла музычную школу Адольфа Фрэдрыкса. З 13 гадоў Рэбека працуе мадэллю ў часопісах, а таксама здымаецца ў рэкламе[2].
Пасля поспеху яе серыяла і нараджэння сына, Фергюсан пераехала ў Сімрысхамн на паўднёвым узбярэжжы Швецыі. Там яна запусціла студыю аргенцінскага танца і здымалася ў некалькіх кароткаметражных фільмах[3].
Аднойчы шведскі рэжысёр Рычард Хоберт заўважыў яе на гарадскім рынку ў 2011 годзе і прапанаваў Рэбецы галоўную ролю ў сваім фільме «Да Антыба ў адзін канец»[4]. Затым Фергюсан знялася ў фільме жахаў «Дух тапельца» і фільме «Мы» з Густафам Скарсгардам[5].
У жніўні 2012 года было абвешчана, што Рэбека прайшла кастынг і яе абралі на ролю Лізаветы Вудвіл у 10-серыйнай гістарычнай драме канала Бі-бі-сі «Белая Каралева»[6], заснаванай на серыі раманаў Філіпы Грэгары «Вайна стрыечным братам», якая распавядае гісторыю жанчын часоў Вайны руж. Роля ў «Белай каралеве» была станоўча прынята крытыкамі, прынесла Фергюсан вядомасць і намінацыю на прэмію «Залаты глобус».
У 2015 годзе Фергюсан атрымала адну з галоўных роляў у амерыканскім фільме «Місія невыканальная: Племя ізгояў», за якую яе намінавалі на прэмію «Імперыя»[7].
У Рэбекі двое дзяцей — сын Ісак (нар. 2007) ад былога бойфрэнда Людвіга Халберга[8] і дачка Сага (нар. 2018)[9] ад мужа Роры (пажаніліся ў студзені 2019 года)[10].