Ра́бавічы[2] (трансліт.: Rabavičy, руск.: Рабовичи) — вёска ў Слаўгарадскім раёне Магілёўскай вобласці. Уваходзіць у склад Лапаціцкага сельсавета.
У 1560 годзе назва вёскі адзначаецца ў інвентары Дубровенскім пры апісанні ўладанняў, угоддзяў і сенажацяў сяла Цёплае (суседні Чавускі раён). На карце 1777 года Рабавічы ў Старабыхаўскай акрузе, вадзяны млын, паштовая станцыя. У 1831 годзе пабудавана драўляная Пакроўская царква[3]. У 1924—1954 гадах цэнтр Рабавіцкага сельсавета.
У межах вёскі рака Ляснянка ўпадае ў Чыстую Лужу.
У вёсцы дзейнічаюць крама і сельская бібліятэка-клуб[1].