Пётр Пятровіч Мурзёнак (нар. 8 мая 1951, вёска Дунілавічы, Пастаўскі раён, Віцебская вобласць) — беларускі вучоны ў галіне фізіялогіі, паэт, грамадскі дзеяч беларускай дыяспары ў Канадзе. Доктар медыцынскіх навук (1991).
Скончыў Мінскі медыцынскі інстытут у 1974 годзе. Працаваў загадчыкам аддзела у Нацыянальнай акадэміі навук Беларусі, прафесарам і загадчыкам кафедры у Экалагічным універсітэце імя Сахарава. Мае 157 навуковых публікацый. З 1998 года жыве і працуе ў Канадзе. У 2001—2005 гадах быў старшынёй Згуртавання беларусаў Канады (ЗБК).
Узнагароджаны медалём 100 гадоў БНР Рады Беларускай Народнай Рэспублікі[4].