Прылеп
У гэтага паняцця ёсць і іншыя значэнні, гл. Прылеп (значэнні). Пры́леп (макед.: Прилеп, турэцк.: Pirlepe, грэч.: Πριλέπια) — горад у паўднёвай частцы Паўночнай Македоніі з насельніцтвам 64 тысячы жыхароў. Горад размешчаны ў паўночнай частцы Пелаганійскай раўніны, у 128 км ад сталіцы Скоп’е.
Размешчаны ля падножжа крэпасці легендарнага сербскага каралевіча Маркі, вядомага як змагара супраць туркаў і мудрага кіраўніка.
Гісторыя
Прылеп быў заснаваны на руінах старажытнага горада Стыбера, які быў часткай Рымскай імперыі. Нягледзячы на спусташэнне готамі ў 268 Стыбера заставалася часткова заселенай. Пад імем Прылеп гэты горад быў упершыню згаданы ў 1014 як месца, дзе балгарскі цар Самуіл памёр ад разрыву сэрца пры відзе, як візантыйцы асляпляюць тысячы яго салдатаў, якія патрапілі ў палон пасля бітвы пры Бяласіцы. Горад патрапіў пад візантыйскую ўладу.
Пазней горад быў заваяваны Другім Балгарскім царствам і Сербіяй.
У XIV стагоддзі горад быў захоплены асманамі пад правадырствам Эўрэнаса. Пад кантролем Асманскай імперыяй знаходзіўся на працягу шасці стагоддзяў.
Напачатку XX стагоддзя ўваходзіў у склад Сербіі і Югаславіі і пасля яе распаду адышоў да Македоніі.
Насельніцтва
Большасць насельніцтва складаюць македонцы (93 %), але ёсць і цыганская меншасць.
Паводле перапісу 2002 года ў Прылепе пражывала 66 246 жыхароў[1].
| Этнічная група | Усяго |
| македонцы | 61 320 |
| албанцы | 21 |
| туркі | 123 |
| цыгане | 4 372 |
| влахі | 16 |
| сербы | 151 |
| башнякі | 17 |
| іншыя | 226 |
Славутасці
- Маркавы Кулі, сярэднявечная крэпасць
- Трэскавец, манастыр
Вядомыя асобы
- Блажэ Конескі (1921-1993) — стваральнік і адзін з кадыфікатараў сучаснай літаратурнай македонскай мовы, выбітны літаратурны, культурны і грамадскі дзеяч, паэт, празаік, эсэіст, гісторык літаратуры, лінгвіст, перакладчык
Гарады-пабрацімы
Зноскі
- ↑ Министерство за Локална Самоуправа. База на општински урбанистички планови Архівавана 15 верасня 2008. (недаступная спасылка — гісторыя)
Спасылкі
На Вікісховішчы ёсць медыяфайлы па тэме Прылеп
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Населеныя пункты паводле алфавіта
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Вікіпедыя·Артыкулы з непрацоўнымі спасылкамі
Катэгорыя·Прылеп
Катэгорыя·Гарады Паўночнай Македоніі
Катэгорыя·Іншыя значэнні: старонка не існуе