По-Адурскі ўніверсітэт
По-Адурскі ўніверсітэт (фр.: Université de Pau et des pays de l’Adour, літаральна Універсітэт По і Адурскага краю) — французская дзяржаўная вышэйшая навучальная ўстанова са статусам універсітэта з сядзібай у горадзе По.
Гісторыя
Горад По мае даўнія адукацыйныя традыцыі, якія ўзыходзяць да XVI стагоддзя. У 1549 годзе быў заснаваны каледж мастацтваў, а ў 1564 годзе — пратэстанцкая акадэмія. Гэтая акадэмія была ператворана ва ўніверсітэт у 1583 годзе, але была закрыта пасля далучэння Беарна да Францыі ў 1620 годзе.
Стагоддзем пазней, у 1722 годзе, быў створаны Беарнскі ўніверсітэт, які складаўся з факультэтаў мастацтваў, права і тэалогіі. Ён знік, як і ўсе іншыя французскія ўніверсітэты, 15 верасня 1793 года ў часы Вялікай французскай рэвалюцыі. Пазней, у 1809 годзе, у часы Напалеона І, у По была ўтворана новая акадэмія, якая была закрыта ў 1848 годзе падчас Другой рэспублікі.
У 1946 годзе ў По размясціўся філіял Бардоскага ўніверсітэта пад назвай «Інстытут юрыдычных і эканамічных даследаванняў» з 67 вучнямі. Дванаццацю гадамі пазней быў створаны Інстытут літаратуры і гуманітарных навук. У тым жа годзе горад таксама набыў землю і нерухомасць, каб стварыць там новы кампус. У наступным годзе ствараецца навуковы каледж, які прымае сваіх вучняў у новым кампусе.
Універсітэт у яго цяперашнім выглядзе быў створаны ўказам прэзідэнта Францыі ў 1970 годзе.
Структура
Факультэты
- Права, эканомікі, менеджменту
- Літаратуры, моў, гуманітарных навук і спорту
- Навукі і тэхнікі
- Міждысцыплінарны (у некалькіх іншых гарадах)
- Навукі і тэхнікі Баскскага ўзбярэжжа
Інстытуты і школы
- Нацыянальная вышэйшая школа інжынерыі прамысловых тэхналогій
- Аквітанскі вышэйшы інстытут будаўніцтва і грамадскіх работ
- Інстытут карпаратыўнага кіравання
- Тэхналагічны інстытут
- Адурскі тэхналагічны інстытут
Зноскі
- ↑ Repères Et Références Statistiques 2017 sur les enseignements, la formation et la recherche — French Ministry of education, 2017. — С. 163. — ISBN 978-2-11-151752-3
- ↑ Repères et références statistiques sur les enseignements, la formation et la recherche 2018 — French Ministry of education, 2018. — С. 161. — 396 с. — ISBN 978-2-11-152402-6
- ↑ La République des Pyrénées — 1958. — ISSN 0247-7807; 2491-276X
- ↑ https://organisation.univ-pau.fr/fr/decouvrir-l-uppa/chiffres-cles.html
- ↑ Repères et références statistiques sur les enseignements, la formation et la recherche 2022 — MENJS, 2022. — P. 165. — 406 с. — ISBN 978-2-11-162578-5
Спасылкі
На Вікісховішчы ёсць медыяфайлы па тэме По-Адурскі ўніверсітэт- Афіцыйная інтэрнэт-старонка ўстановы
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Універсітэты Францыі
Катэгорыя·Вікіпедыя·Навучальныя ўстановы без геаграфічных каардынат
Катэгорыя·По
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Універсітэты паводле алфавіта
Катэгорыя·Навучальныя ўстановы, заснаваныя ў 1970 годзе