wd wp Пошук:
    ⬜

    Петэр Эрдзё

    .mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}

    Пе́тэр Э́рдзё (венг.: венг.: Erdő Péter; 25 чэрвеня 1952, Будапешт, Венгрыя) — венгерскі кардынал. Тытулярны біскуп Пупі і дапаможны біскуп Секешфехервара з 5 лістапада 1999 па 7 снежня 2002. Архібіскуп эстэргамска-будапешцкі і прымас Венгрыі з 7 снежня 2002. Кардынал-святар з тытулам царквы Святой Бальбіны з 21 кастрычніка 2003. Старшыня Еўрапейскай біскупскай канферэнцыі з 6 кастрычніка 2006.

    Адукацыя і святарства

    Петэр Эрдзё нарадзіўся 25 чэрвеня 1952 года ў Будапешце, у шматдзетнай сям’і немцаў. Петэр быў першым з шасці дзяцей доктара Шандара Эрдзё і Марыі Кіс. Вывучаў каталіцкае багаслоўе і філасофію ў Эстэргамскай семінарыі, цэнтральнай Семінарыі Будапешта і ў Папскім Латэранскім універсітэце ў Рыме. Атрымаў доктарскую ступень у багаслоўі і кананічным праве ў 1976 годзе.

    18 чэрвеня 1975 года быў пасвечаны ва святара. Пасвячэнне здзейсніў у кафедральнай базіліцы Будапешта тытулярны біскуп Джыра дзі Тарасія Ласла Лекаі — апостальскі адміністратар Эстэргама (будучы кардынал). Працаваў пасля вікарыем у Дорагу.

    Пасля працаваў у Рыме з 1977 па 1980 год. З 1980 па 1988 год Эрдзё — прафесар багаслоўя ў семінарыі Эстэргама і запрошаны прафесар на факультэце кананічнага права Папскага Латэранскага ўніверсітэта з 1986 па 2002 год. Сакратар камісіі кананічнага права Венгерскай біскупскай канферэнцыі з 1986 па 1999 год. Старшыня Венгерскай біскупскай канферэнцыі з 1999 года.

    З 1988 года Петэр Эрдзё ардынарны прафесар багаслоўя на тэалагічным факультэце Каталіцкага ўніверсітэта імя Петэра Пазманя, з 1997 па 1998 год дэкан факультэта, а пазней з 1998 па 2003 год канцлер (прэзідэнт) гэтага ўніверсітэта.

    Біскуп і кардынал

    Петэр Эрдзё ў 2013 годзе

    5 лістапада 1999 года абраны тытулярным біскупам Пупі і дапаможным біскупам Секешфехервара. Ардынацыю здзейсніў 6 студзеня 2000 года ў патрыяршай Ватыканскай базіліцы Папа Рымскі Іаан Павел II, якому дапамагалі Джавані Батыста Рэ — тытулярны архібіскуп Вескоўя і намеснік Дзяржаўнага сакратара Святога Прастола, а таксама Марчэла Дзага тытулярны архібіскуп Роселе — сакратар Кангрэгацыі евангелізацыі народаў.

    З 7 снежня 2002 года Эрдзё архібіскуп эстэргамска-будапешцкі (пасля адстаўкі кардынала Ласла Пашкаі). Ян Павел II узвёў яго ў 21 кастрычніка 2003 года ў кардыналы-святары з тытулам царквы Святой Бальбіны.

    Эрдзё з моманту свайго ўзвядзення ў кардыналы і да кансісторыі ад 20 лістапада 2010 года быў самым маладым членам Калегіі кардыналаў, і можа працягваць удзельнічаць у любым будучым Канклаве да свайго 80-годдзя ў 2032 годзе.

    Эрдзё быў адным з кардыналаў-выбаршчыкаў, якія ўдзельнічалі ў папскім Канклаве 2005 года, які абраў Папу Рымскага Бенедыкта XVI.

    7 верасня 2005 года пераабраны на пяць гадоў на пасаду старшыні Венгерскай біскупскай канферэнцыі. А 6 кастрычніка 2006 года ў Санкт-Пецярбургу (Расія) абраны на пяць гадоў старшынёй Еўрапейскай біскупскай канферэнцыі.

    Петэр Эрдзё да 20 лістапада 2010 года быў самым маладым кардыналам Рымска-каталіцкай царквы, у гэтай якасці яго змяніў нямецкі кардынал Райнгард Маркс.

    Зноскі

    1. 1 2 3 4 5 6 7 Hungarian Catholic Lexicon / пад рэд. D. István, V. János — Szent István Társulat, 1993. Праверана 30 чэрвеня 2019.
    2. 1 2 Hungarian Catholic Lexicon / пад рэд. D. István, V. János — Szent István Társulat, 1993. Праверана 13 чэрвеня 2019.
    3. 1 2 https://web.archive.org/web/20160305033351/http://www.esztergomi-ersekseg.hu/?fm=1&am=5&op=papview&e_id=84# Праверана 13 чэрвеня 2019.

    Спасылкі

    Папярэднік:
    кардынал Ласла Пашкаі    		 Архібіскуп эстэргамска-будапешцкі і прымас Венгрыі
    7 снежня 2002 —    		 Пераемнік:
    —
    Тэмы гэтай старонкі (16):
    Катэгорыя·Нарадзіліся ў Будапешце
    Катэгорыя·Вікіпедыя·Біяграфіі сучаснікаў
    Катэгорыя·Кардыналы
    Катэгорыя·Нарадзіліся ў 1952 годзе
    Катэгорыя·Афіцэры венгерскага ордэна Заслуг
    Катэгорыя·Вікіпедыя·Артыкулы са спасылкамі на элементы Вікідадзеных без подпісу
    Катэгорыя·Архібіскупы эстэргамскія
    Катэгорыя·Каталіцкія архібіскупы
    Катэгорыя·Тытулярныя біскупы
    Катэгорыя·Нарадзіліся 25 чэрвеня
    Катэгорыя·Апостальскія адміністратары
    Катэгорыя·Асобы
    Катэгорыя·Члены Венгерскай акадэміі навук
    Катэгорыя·Кардыналы Венгрыі
    Катэгорыя·Вікіпедыя·Артыкулы з крыніцамі з Вікідадзеных
    Катэгорыя·Кардыналы Яна Паўла II