Паўла Пятроўна Украінец (нар. 26 верасня 1933, в. Харомск, Столінскі раён, Брэсцкая вобласць) — беларускі сацыёлаг, палітолаг, журналіст. Доктар гістарычных навук (1986), кандыдат філасофскіх навук (1971), прафесар (1989).
Скончыла Пінскае педагагічнае вучылішча імя А. С. Пушкіна (1953), Беларускі дзяржаўны ўніверсітэт (спецыяльнасць «Журналістыка», 1960), Мінскую вышэйшую партыйную школу (1964), Акадэмію грамадскіх навук пры ЦК КПСС (1971).
Працавала ў Беларускім дзяржаўным універсітэце (1991—2013, факультэт філасофіі і сацыяльных навук, кафедра сацыялогіі, прафесар).
Навуковыя інтарэсы: сацыялогія кіравання; сацыяльная работа; лад жыцця; патрэбнасці сучаснага чалавека; станаўленне грамадзянскага грамадства.