Па́ўлаўскае вадасховішча (руск.: Па́вловское водохранилище[2]) — вадасховішча ў Расіі, у Башкартастане, на рацэ Уфа.
Створана ў даліне ракі Уфа ў выніку будаўніцтва Паўлаўскай ГЭС. Запаўнялася вадой у 1959—1961 гг. Плошча паверхні вадасховішча пры нармальным падпорным узроўні (140 м) складае 120[1][2] км². Поўны аб’ём складае 1,41 км³, карысны — 0,89[1] км³. Даўжыня вадасховішча 150 км, найбольшая шырыня 1,75[1] (2[2]) км. Найбольшая глыбіня 35 м, сярэдняя — 11,7[1] м. Сярэдні шматгадовы сцёк складае 10,74[1] км³/год. Ваганні ўзроўню вады на працягу года 11[3] м. Вышыня плаціны гідравузла 41,3 м, яе даўжыня па грэбню 629 м[3]. Вадасховішча размешчана ў межах Уфімскага плато, на закарставанай тэрыторыі. Пакрытае лёдам з лістапада па май. У вадасховішча упадаюць рэкі Уфа, Байкі, Юрузань, Урэш (Уруш)[1].
Паўлаўскае вадасховішча выкарыстоўваецца ў мэтах рэгулявання сцёку, энергетыкі, забеспячэння вадой гарадоў Уфа і Благавешчанск, суднаходства, рыбнай гаспадаркі, рэкрэацыі[3]. Да 1993 года па вадасховішчы праводзіўся лесасплаў[3].