wd wp Пошук:
    ⬜

    Партугальская каралеўская бібліятэка

    Не блытаць з Нацыянальнай бібліятэкай Партугаліі. Партугальская каралеўская бібліятэка (парт.: Real Gabinete Português de Leitura) — бібліятэка, размешчаная ў Рыа-дэ-Жанэйра, Бразілія.

    За свае заслугі бібліятэка неаднаразова ўзнагароджвалася ордэнамі. Яе будынак з-за свайго знешняга і ўнутранага ўбрання з’яўляецца адной з гарадскіх славутасцей і неаднаразова з’яўляўся ў розных фільмах. Часопісам Time у 2014 годзе яна была названа чацвёртай па прыгажосці сярод бібліятэк свету[1].

    Гісторыя

    Бібліятэка была заснавана ў 1837 годзе групай з 43 палітычных эмігрантаў з Партугаліі для папулярызацыі партугальскай культуры ў сталіцы Бразільскай імперыі. З 1900 года стала публічнай.

    Будынак бібліятэкі быў спраектавана ў стылі новага мануэліна партугальскім архітэктарам Рафаэлем да Сільва-і-Каштру і будавалася з 1880 па 1887 год[2]. Бразільскі імператар Педру II заклаў першы камень у падмурак будынка 10 чэрвеня 1880 года, а яго дачка, прынцэса Ізабела Бразільская разам са сваім мужам урачыста адкрыла бібліятэку 10 верасня 1887 года.

    Фасад будынка быў створаны па вобразу кляштара еранімітаў у Лісабоне і дастаўлены ў Рыа-дэ-Жанэйра караблём. Статуі паказваюць Педру Кабрала, Луіса дэ Камоэнса, Генрыха Мараплаўца і Васка да Гаму. Барэльефы паказваюць Фернана Лопіша, Жыля Вісентэ, Аляксандра Геркулана і Жуана дэ Алмейда. Інтэр’ер чытальнай залы таксама выкананы ў неамануэлісцкім стылі, уключаючы кніжныя паліцы, кандэлябр і вітражную столю.

    Гісторыя Бразільскай акадэміі літаратуры таксама звязана з бібліятэкай, бо тут праводзіліся яе першыя пасяджэнні пад старшынствам Машаду дэ Асіса.

    Фонды

    Бібліятэка валодае самым вялікім зборам твораў на партугальскай мове па-за межамі Партугаліі. Фонды, якія налічваюць каля 350 тысяч адзінак захоўвання, уключаючы першае выданне «Лузіядаў» Камоэнса, рукапіс адной з камедый Машаду дэ Асіса і г.д. Штогод у бібліятэку паступае каля шасці тысяч тамоў з Партугаліі. Таксама тут можна знайсці калекцыю твораў Жазэ Мальёа і іншых мастакоў.

    Бібліятэка выпускае часопіс «Convergência Lusíada» і праводзіць для студэнтаў універсітэтаў курсы партугальскай мовы, літаратуры, гісторыі, антрапалогіі і мастацтва.

    Галерэя

    Гл. таксама

    Зноскі

    1. ↑ The 20 Most Beautiful Libraries in the World
    2. ↑ Contributo para traçar o perfil do público leitor do Real Gabinete Português de Leitura: 1837-1847

    Спасылкі

    Афіцыйны сайт бібліятэкі (парт.) 

    Тэмы гэтай старонкі (8):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Бібліятэкі паводле алфавіта
    Катэгорыя·Будынкі і збудаванні Рыа-дэ-Жанэйра
    Катэгорыя·Славутасці Бразіліі
    Катэгорыя·Бібліятэкі Бразіліі
    Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
    Катэгорыя·Вікіпедыя·Ізаляваныя артыкулы/сірата0
    Катэгорыя·Вікіпедыя·Бібліятэкі без геаграфічных каардынат