«Партрэ́т дзяўчы́ны ў агні́» (фр.: Portrait de la jeune fille en feu) — французскі мастацкі фільм рэжысёркі Селін Ш’яма, які выйшаў на экраны ў 2019 годзе[4].
Брэтань, 1770 год. Мастачка Марыяна прыязджае ў маёнтак на ўзбярэжжы Францыі, каб напісаць партрэт дачкі ўладара маёнтка — Элаізы. Карціна патрэбна, каб адправіць патэнцыйнаму жаніху Элаізы ў Мілан. У знак пратэсту супраць замужжа дзяўчына адмовілася пазіраваць, і госцю прадстаўляюць як кампаньёнку для шпацыраў. Бавячы ўсё больш часу разам, дзяўчыны пачынаюць адчуваць узаемнае прыцягненне…[5]