wd wp Пошук: ⬜

Павел Емяльянавіч Купрыянаў

У Вікіпедыі ёсць артыкулы пра іншых асоб з прозвішчам Купрыянаў.

Павел Емяльянавіч Купрыя́наў (1908— 8 лістапада 1936) — удзельнік Грамадзянскай вайны ў Іспаніі, Герой Савецкага Саюза (1936).

Біяграфія

П. Я. Купрыянаў нарадзіўся ў вёсцы Старынцы Дрысенскага павета Віцебскай губерні (зараз у Полацкім раёне Віцебскай вобласці Беларусі)[2]. Працаваў на чыгуначнай станцыі Адашава[2]. У Чырвонай Арміі з 1929 г. Скончыў школу малодшых камандзіраў. Служыў камандзірам танка ў 4-й асобнай механізаванай брыгадзе Беларускай ваеннай акругі. З кастрычніка 1936 г. удзельнік грамадзянскай вайны ў Іспаніі на баку рэспубліканцаў. Працаваў інструктарам па падрыхтоўцы механікаў-вадзіцеляў танка[2]. У якасці камандзіра танка 29 кастрычніка 1936 г. прымаў удзел у першым у свеце танкавым баі ў 30 км ад Мадрыда. Вызначыўся пад Мадрыдам. Танк Купрыянава знішчыў 2 варожыя танкі, 8 гармат і некалькі ўзводаў пяхоты. Загінуў у баі на ўскрайку Мадрыда 08.11.1936 г.

Зноскі

↑ Цяпер Полацкі раён, Рэспубліка Беларусь
1 2 3 Навечно в сердце народном: Справочник / Главный ред. И. П. Шамякин. — 3-е изд., испр. и доп. — Мн.: БелСЭ, 1984. — 607 с. — 65 000 экз. (руск.)

Літаратура

Купрыянаў Павел Емяльянавіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта. — С. 38—39. — 560 с. — 10 000 экз. — ISBN 985-11-0155-9 (т. 9), ISBN 985-11-0035-8.
Навечно в сердце народном: Справочник / Главный ред. И. П. Шамякин. — 3-е изд., испр. и доп. — Мн.: БелСЭ, 1984. — 607 с. — 65 000 экз. (руск.)

Спасылкі

Павел Емяльянавіч Купрыянаў на сайце «Героі краіны»