wd wp Пошук: ⬜

Отамар Крэйча

О́тамар Крэ́йча (чэшск.: Otomar Krejča; 23 лістапада 1921, Скрышаў, Край Высачына — 6 лістапада 2009, Прага) — чэшскі акцёр тэатра і кіно, тэатральны рэжысёр, легенда нацыянальнага тэатра. Заслужаны артыст Чэхіі (1958).

Біяграфія

На сцэне з 1940 года. У 1946—1951 гадах акцёр пражскага Тэатра на Вінаградах. У 1960-я гг. ўзначальваў чэшскі тэатральны авангард. У 1956—1961 гадах галоўны рэжысёр Нацыянальнага тэатра ў Празе, у 1965—1912 гадах арганізатар і кіраўнік «Тэатра за бранаў».

Пасля 1968 года, калі падпісаў петыцыю «Дзве тысячы слоў», падвергнуўся рэзкай ідэалагічнай крытыцы, адхілены ад кіраўніцтва тэатрам, у 1972 годзе быў зачынены і сам тэатр. Пад ціскам сусветнай грамадскай думкі быў выпушчаны ўладамі за мяжу, ставіў спектаклі ў Аўстрыі, Італіі, Бельгіі, Францыі, ФРГ, Фінляндыі, Швецыі. Вярнуўся на радзіму пасля Аксамітнай рэвалюцыі. У 1991 годзе адкрыў «Тэатр за бранаў-2», у якім працаваў да канца жыцця.

Творчасць

Сярод роляў: Сірано дэ Бержарак (аднайменная п’еса(руск.) бел. Растана), Дон Жуан (аднайменная п’еса(руск.) бел. Мальера), Фёдар Пратасаў («Жывы труп(руск.) бел.» Л. Талстога), Самазванец («Барыс Гадуноў(руск.) бел.» А. Пушкіна) і інш. Паставіў п’есы А. Чэхава («Вішнёвы сад(руск.) бел.», «Тры сястры(руск.) бел.»), у т.л. ў Германіі, Швейцарыі, Італіі. Рэжысёрскай творчасці Крэйчы ўласцівы лірызм, схільнасць да аналізу, дакладнасць думкі.

Прызнанне

Прэмія Пірандэла (1978). Кавалер Ордэна мастацтваў і літаратуры (1978). Медаль ўрада Чэхіі За заслугі (1998). Прэмія Станіслаўскага (1999) і многія іншыя ўзнагароды. Ганаровы доктар Акадэміі музычнага мастацтва ў Празе (2002).

Зноскі

1 2 Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
↑ Otomar Krejča // Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag
↑ http://www.novinky.cz/kultura/183664-zemrel-reziser-otomar-krejca.html
↑ Czech National Authority Database Праверана 23 лістапада 2019.
↑ The Fine Art Archive — 2003. Праверана 1 красавіка 2021.
↑ Evidence zájmových osob StB (EZO)

Літаратура

Крэйча Атамар. Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 8: Канто — Кулі. — 576 с. — 10 000 экз. — ISBN 985-11-0144-3 (т. 8), ISBN 985-11-0035-8.
Černý J. Otomar Krejča. Praha: Orbis, 1964
Otomar Krejča et le theatre Za Branou de Prague. Lausanne: La Cité, 1972

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх
Архівавана 7 мая 2010. (чэшск.)
У Слоўніку тэатра(недаступная спасылка) (італ.)
На сайце IMDB