Ніна Ціханаўна Фральцова (нар. 24 ліпеня 1944, г. Арэхава-Зуева, Маскоўская вобласць, РСФСР) — беларускі журналіст, кіназнавец. Доктар філалагічных навук (2003), кандыдат мастацтвазнаўства (1974), прафесар (2005).
Скончыла Беларускі дзяржаўны ўніверсітэт (факультэт журналістыкі, спецыяльнасць «Журналістыка», 1967).
Працуе ў Беларускім дзяржаўным універсітэце (з 1975, Інстытут журналістыкі, кафедра тэорыі і метадалогіі журналістыкі, прафесар).
Навуковыя інтарэсы: тэорыя і метадалогія журналістыкі і сродкаў масавай камунікацыі.
Нагрудныя знакі Міністэрства культуры Рэспублікі Беларусь «За ўклад у развіццё культуры Беларусі» (2003), Міністэрства інфармацыі Рэспублікі Беларусь «Выдатнік друку Беларусі» (2005).