Ніколь Праскоўя Элікалані Віліентэ Шэрзінгер (англ.: Nicole Prescovia Elikolani Valiente Scherzinger; нар. 29 чэрвеня 1978, Ганалулу, Гаваі, ЗША) ― амерыканская, спявачка, аўтар песень, танцоўшчыца, музычны прадзюсар, мадэль і актрыса. Шэрзінгер вядома як салістка гурта «The Pussycat Dolls». Раней Шэрзінгер была бэк-вакалісткай у канцы 1990-х гадоў рок-гурта «Days of the New» і ўдзельніцай дзявочага гурта «Eden’s Crush» на рэаліці-шоу. Пасля распаду гурта, яна далучылася да «Pussycat Dolls» і стала вядучай вакалісткай гурта падчас іх пераходу на музычную сцэну.
З «Pussycat Dolls», яна выпусціла два альбомы «PCD» і «Doll Domination», а таксама ўдзельнічала ў канцэртных турах[4]. Пасля сыходу з гурта ў снежні 2010 году Шэрзінгер пачала сольную кар’еру, выпусціўшы свой дэбютны студыйны альбом «Killer Love». Другі яе сінгл з альбома «Don’t Hold Your Breath» дасягнуў першага месца ў чарце Вялікабрытаніі[5].
Ніколь нарадзілася 29 чэрвеня 1978 года ў Ганалулу, штат Гаваі. Бацька Ніколь, Альфонса ― філіпінец, а маці ― напалову руская, напалову гавайка[6]. Яе руская бабуля была родам з Уладзівастока[7]. Калі Ніколь нарадзілася, яе маці Размары было 18 гадоў. Яна разышлася з бацькам Ніколь, калі тая была зусім малой. Яны пераехалі ў Луісвіль, штат Кентукі, разам з сястрой Кеалай і немцам-айчымам Гэры Шэрзінгерам. Ніколь выхоўвалася ў «кансерватыўных каталіцкіх рамках»[8].
Шэрзінгер знялася ў тэлевізійных сітуацыйных камедыях «Half & Half» і «My Wife and Kids». Яна сыграла ролю міс Пуэрта-Рыка ў фільме «Chasing Papi». Яна таксама атрымала невялікую ролю ў фільме «Love Don’t Cost a Thing». Ніколь таксама знялася ў рэкламным роліку перадачы тэлевізійнага сезона 2007—2008 гадоў «The CW Television Network».