У Вікіпедыі ёсць артыкулы пра іншых асоб з прозвішчам Сцепанішчаў. Міхаіл Ціханавіч Сцепані́шчаў (15 лістапада 1917, в. Хмялінец, Задонскі раён, Ліпецкая вобласць — 8 верасня 1946) — лётчык, удзельнік Вялікай Айчыннай вайны, двойчы Герой Савецкага Саюза.
У 1938 годзе скончыў Варашылаўградскую ваенную авіяшколу, на фронце з чэрвеня 1941 года.
Ваяваў на Пауднёвым, Сталінградскім, Паўднёва-Заходнім, 4-м Украінскім i 3-м Беларускім франтах. Удзельнічаў у вызваленні Каўказа, Украіны, Літвы, Беларусі, еўрапейскіх дзяржаў.
Лётчык, камандзір звяна, намеснік камандзіра і камандзір эскадрыллі, штурман і намеснік камандзіра 76-га гвардзейскага авіяпалка, маёр Сцепанішчаў зрабіў 222 баявыя вылеты. Званне Героя Савецкага Саюза атрымаў двойчы 26 кастрычніка 1944 года i 29 чэрвеня 1945 года.
Пасля вайны жыў у Баранавічах. Памёр пры трагічных абставінах (скончыў самагубствам з табельнай зброі) у верасні 1946 года. Быў пахаваны на гарадскіх вайсковых могілках, адкуль астанкі ў 1954 годзе былі перанесены на гарадскія могілкі.
На радзіме, у вёсцы Хмялінец Задонскага раёна Ліпецкай вобласці, устаноўлены бронзавы бюст. Імя героя носяць вуліцы і школы.
У 1986 годзе на магіле ўстаноўлена шэрага колеру мармуровая пліта (1 м х 0,6 м) з выявай дзвюх Залатых Зорак і надпісам: «Двойчы Герой Савецкага Саюза Сцепанішчаў Мiхаiл Ціханавіч 15.XI.1917- 08.IX.1946. Вечная памяць герою»[2]