wd wp Пошук: ⬜

Міхаіл Піліпавіч Нікіценка

У Вікіпедыі ёсць артыкулы пра іншых асоб з прозвішчам Нікіценка. Міхаіл Піліпавіч Нікіце́нка[1] (руск.: Михаил Филиппович Никитенко; 3 лістапада 1912 — 9 мая 1980) — вучоны ў галіне нейрамарфалогіі і антрапалогіі, доктар біялагічных навук (1972).

Біяграфія

Нарадзіўся ў станіцы Кабардзінская Кубанскай вобласці (зараз у Апшэронскім раёне Краснадарскага края Расіі). У 1936 годзе скончыў Горкаўскі ўніверсітэт. У 1951—1960 гадах займаў пасаду загадчыка кафедрай заалогіі ў Чарнавіцкім універсітэце, у 1960—1970 гадах — старшага навуковага супрацоўніка Аддзела заалогіі і паразіталогіі Акадэміі навук БССР, з 1970 года — старшага навуковага супрацоўніка сектара этнаграфіі ў Інстытуце мастацтвазнаўства, этнаграфіі і фальклору.

Аўтар навуковых прац у галіне агульнай эвалюцыі, эвалюцыйнай і экалагічнай марфалогіі галаўнога мозгу і органаў пачуцця жывёл і чалавека.

Сярод апублікаванага:

Эволюция и мозг / М. Ф. Никитенко ; АН БССР, Отд. зоологии и паразитологии. — Минск: Наука и техника, 1969. — 342 с.: ил.
Головной мозг парнокопытных / М. Ф. Никитенко [и др.]; АН БССР, Отделение зоологии и паразитологии. — Минск: Наука и техника, 1970.
Наука против суеверий : (Материал в помощь лектору) / М. Ф. Никитенко, д-р биол. наук, Л. И. Тегако, канд. ист. наук; Правл. о-ва «Знание» БССР. Науч.-метод. совет по пропаганде науч. атеизма. — Минск: [б. и.], 1974.

↑ Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1985. — 599 с., іл. — 10 000 экз.

Нікіценка Міхаіл Піліпавіч // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1985. — 599 с., іл. — 10 000 экз.