Міле́віцкі сельсавет — адміністрацыйна-тэрытарыяльная адзінка ў складзе Жыткавіцкага раёна Гомельскай вобласці. Адміністрацыйны цэнтр — Мілевічы. Найбуйнейшы па плошчы сельсавет раёна — 341,3013 км²[1].
Утвораны 12 кастрычніка 1940 года ў складзе Ленінскага раёна Пінскай вобласці (з 8 студзеня 1954 года Брэсцкай вобласці). 20 студзеня 1960 года раён скасаваны, сельсавет далучаны да Старобінскага раёна Мінскай вобласці. 11 красавіка 1960 года перададзены ў склад Жыткавіцкага раёна Гомельскай вобласці. 26 сакавіка 1987 года ў склад сельсавета з Ленінскага сельсавета перададзены вёскі Іёвічы і Залюцічы[2].
Паводле перапісу 2009 года насельніцтва сельсавета — 1228 чалавек[3], з іх 98,2 % — беларусы[4].