.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Мікіта Букаткін (нар. 7 сакавіка 1988, Мінск) — беларускі футбаліст, паўабаронца. У цяперашні час працуе гуляючым трэнерам клуба «СДЮШАР Дынама» з Мінска.
Выхаванец СДЮШАР «Дынама Мінск», з 2005 года выступаў за дубль салігорскага «Шахцёра». З 2007 года пачаў трапляць у асноўны склад, у 2008 годзе замацаваўся ў аснове.
У маі 2009 года разам з Аляксеем Сучковым быў адлічаны з «Шахцёра» за парушэнне спартыўнага рэжыму[2], пасля чаго перайшоў у наваполацкі «Нафтан». У сезоне 2012 стаў капітанам наваполацкай каманды (пасля Дзмітрыя Верхаўцова) і выйграў Кубак Беларусі 2012.
У снежні 2012 года падпісаў кантракт з «Мінскам»[3]. У мінскім клубе зноў выйграў Кубак Беларусі. Выступаў пераважна на пазіцыі апорнага паўабаронцы.
Па заканчэнні сезона спрабаваў працаўладкавацца ў Расіі, але ў выніку ў студзені 2014 года перайшоў у бабруйскую «Белшыну»[4]. У складзе «Белшыны» звычайна гуляў на пазіцыі атакуючага паўабаронцы. У чэрвені 2014 года адсутнічаў з-за траўмы, пазней вярнуўся ў асноўны склад. У снежні 2014 года кантракт з «Белшынай» быў разарваны[5].
Яшчэ ўвосень 2014 года цікавасць да Букаткіна праяўляла кракаўская «Вісла»[6], аднак у выніку Мікіта ў лютым 2015 года накіраваўся на прагляд у клуб «Маш’ал» з Узбекістана і неўзабаве падпісаў з ім кантракт[7].
Са студзеня 2016 года знаходзіўся на праглядзе ў «Белшыне». У лютым афіцыйна вярнуўся ў бабруйскі клуб[8], але ў ліпені таго ж года перайшоў у брэсцкае «Дынама»[9], дзе замацаваўся ў якасці асноўнага апорнага паўабаронцы. У першай палове 2017 года заставаўся іграком асновы, часам выконваў функцыі капітана каманды. У ліпені 2017 года кантракт паўабаронцы з «Дынама» быў разарваны[10].
Праз некаторы час пасля зыходу з брэсцкага клуба стаў трэніравацца з «Іслаччу», з якой у жніўні 2017 года падпісаў кантракт[11]. Замацаваўся ў аснове каманды і дапамог ёй па выніках сезона 2017 захаваць месца ў Вышэйшай лізе. У студзені 2018 года меў намер працягнуць кар’еру за мяжой, аднак у выніку падоўжыў пагадненне з «Іслаччу»[12]. У сезоне 2018 заставаўся іграком стартавага складу. У снежні 2018 года па заканчэнні кантракта пакінуў «Іслач»[13].
У студзені 2019 года стаў іграком брэсцкага «Руха»[14]. Стаў адным з асноўных ігракоў каманды, па выніках сезона 2019 дапамог ёй выйсці ў Вышэйшую лігу. У студзені 2020 года па заканчэнні кантракта пакінуў «Рух»[15].
У сакавіку 2020 года прыбыў у стан казахстанскага клуба «Алтай»[16], у красавіку быў унесены ў заяўку клуба на сезон[17]. У сакавіку 2021 года вярнуўся ў Беларусь, стаўшы іграком «Астраўца»[18]. Дапамог клубу па выніках сезона 2021 перамагчы ў Другой лізе.
У лютым 2022 года пакінуў «Астравец» і стаў гуляючым трэнерам каманды «СДЮШАР Дынама»[19].
Гуляў за моладзевую зборную Беларусі, у тым ліку на чэмпіянаце Еўропы ў Даніі ўлетку 2011 года. Пасля гуляў таксама за алімпійскую зборную.
Сезон | Дывізіён | Клуб | Краіна | Матчы | Галы |
---|---|---|---|---|---|
2005 | дубль | Шахцёр | ![]() | 24 | 3 |
2006 | дубль | Шахцёр | ![]() | 25 | 5 |
2007 | Д1 | Шахцёр | ![]() | 9 | 0 |
2008 | Д1 | Шахцёр | ![]() | 27 | 2 |
2009 (1) | Д1 | Шахцёр | ![]() | 5 | 0 |
2009 (2) | Д1 | Нафтан | ![]() | 12 | 0 |
2010 | Д1 | Нафтан | ![]() | 28 | 0 |
2011 | Д1 | Нафтан | ![]() | 27 | 3 |
2012 | Д1 | Нафтан | ![]() | 27 | 4 |
2013 | Д1 | Мінск | ![]() | 23 | 1 |
2014 | Д1 | Белшына | ![]() | 26 | 1 |
2015 | Д1 | Маш’ал | ![]() | 27 | 2 |
2016 (1) | Д1 | Белшына | ![]() | 12 | 0 |
2016 (2) | Д1 | Дынама | ![]() | 13 | 0 |
2017 (1) | Д1 | Дынама | ![]() | 13 | 1 |
2017 (2) | Д1 | Іслач | ![]() | 12 | 0 |
2018 | Д1 | Іслач | ![]() | 21 | 0 |
2019 | Д2 | Рух | ![]() | 25 | 1 |
2020 | Д2 | Алтай | ![]() | 9 | 0 |
2021 | Д3 | Астравец | ![]() | 21 | 2 |