wd wp Пошук: ⬜

Мікалай Аляксеевіч Сазонаў

У Вікіпедыі ёсць артыкулы пра іншых асоб з прозвішчам Сазонаў.

Мікалай Аляксеевіч Сазонаў (8 красавіка 1903, Цвер, Расійская імперыя — 31 студзеня 1963) — вучоны ў галіне электрыфікацыі сельскай гаспадаркі. Акадэмік Акадэміі сельскагаспадарчых навук БССР (1959—1961), акадэмік АН БССР (1961), доктар тэхнічных навук (1948), прафесар (1951).

Біяграфія

Скончыў Маскоўскае вышэйшае тэхнічнае вучылішча імя Н. Э. Баўмана (1929). Працаваў навуковым супрацоўнікам, загадчыкам лабараторыі ва Усесаюзным электратэхнічным інстытуце. З 1933 г. дырэктар Усесаюзнага НДІ электрыфікацыі сельскай гаспадаркі (Масква), у 1938—1947 гг. кіраўнік аддзела па выкарыстанні электраэнергіі ў сельскай гаспадарцы Маскоўскага НДІ механізацыі і электрыфікацыі сельскай гаспадаркі. У 1948—1954 гг. ва Усесаюзным НДІ электрыфікацыі сельскай гаспадаркі, адначасова ў 1948—1952 гг. кіраўнік работ па выяўленні мясцовых энергетычных рэсурсаў Беларусі для электрыфікацыі сельскай гаспадаркі рэспублікі. У 1954—1958 гг. прафесар Маскоўскага інстытута механізацыі і электрыфікацыі сельскай гаспадаркі. У 1959—1961 гг. акадэмік-сакратар Аддзялення механізацыі і электрыфікацыі сельскай гаспадаркі Акадэміі сельскагаспадарчых навук БССР, з 1961 г. кіраўнік аддзела Цэнтральнага НДІ механізацыі і электрыфікацыі сельскай гаспадаркі Нечарназёмнай зоны СССР (Мінск).

Навуковы і практычны ўклад

Работы па пытаннях прымянення электраэнергіі ў сельскай гаспадарцы, праблемах павышэння каэфіцыента магутнасці ў электрычных устаноўках. Прапанаваў метады разліку асінхронных электрарухавікоў.

Аўтар каля 100 навуковых прац, у тым ліку 2 манаграфій.

Узнагароды

Узнагароджаны ордэнамі Працоўнага Чырвонага Сцяга, «Знак Пашаны», медалямі.

Асноўныя працы

Компенсированные асинхронные машины — М.; Л.: ОГИЗ-ГНТИ, 1931.
Справочник по применению электроэнергии в сельском хозяйстве — М.: Сельхозгиз, 1958 (в соавт.).
Руководство для сельского электромонтера. 5-е изд. — М.: Сельхозгиз, 1960.

Зноскі

Літаратура

Сазонаў Мікалай Аляксеевіч // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 14: Рэле — Слаявіна. — С. 81. — 512 с. — 10 000 экз. — ISBN 985-11-0238-5 (т. 14), ISBN 985-11-0035-8.

Спасылкі

Акадэмік Сазонаў Мікалай Аляксеевіч
Сводный электронный каталог системы корпоративной каталогизации — Сазонов, Николай Алексеевич (доктор технических наук ; 1903—1963)
Мікалай Аляксеевіч Сазонаў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)