У гэтага паняцця ёсць і іншыя значэнні, гл. Мюнстэр.
Мюнстэр 42 (ням.: Fernmeldeturm Münster 42) — жалезабетонная тэлевізійная і радыёвяшчальная вежа, размешчаная ў горадзе Мюнстэр (федэральная зямля Паўночны Рэйн — Вестфалія). Выкарыстоўваецца для размяшчэння антэн аналагавага тэлебачання, антэн DVB-T, радыёслужбаў УКХ-дыяпазону. Таксама вежа служыць для забеспячэння радыёрэлейнай сувязі ў рэгіёне Мюнстэр-Білефельд-Швертэ-Хальтэрн-ам-Зэе.
Вежа «Мюнстэр 42» з’яўляецца дакладнай копіяй тэлевізійнай вежы ў Кіле (de:Fernmeldeturm Kiel), пабудаванай у 1975 годзе па праекце архітэктараў Герхарда Крайзеля (ням.: Gerhard Kreisel) і Гюнтэра Мюлера (ням.: Günter H. Müller).