Бі́лефельд (ням.: Bielefeld) — горад зямельнага падпарадкавання на паўночным усходзе зямлі Паўночны Рэйн-Вестфалія, Германія. Насельніцтва больш за 320.000 жыхароў. Найбуйнейшы горад рэгіёна Оствестфален-Ліпэ і яго эканамічны цэнтр. Вядомы з 1015 года.
Размешчаны паблізу буйных гарадоў – Гановера (100 км, на паўночны ўсход), Аснабрука (60 км, на паўночны захад), Мюнстэра (70 км, на захад), Дортмунда (100 км, на паўднёвы захад) і Падэрборна (50 км, на паўднёвы ўсход). 18-ы паводле колькасці жыхароў горад Германіі.
Найвышэйшы пункт горада — 320 м, найніжэйшы — 73 м над узроўнем мора.