У Вікіпедыі ёсць артыкулы пра іншых асоб з прозвішчам Сміт. Дама Мэгі Сміт DBE (англ.: Maggie Smith, народжаная Маргарэт Наталі Сміт (англ.: Margaret Natalie Smith; нар. 28 снежня 1934) — вядучая брытанская характарная актрыса пасляваеннага часу. Пяціразовы лаўрэат прэміі BAFTA (чатыры ўзнагароды за лепшую галоўную ролю і адна — за лепшую ролю другога плану), двухразовы лаўрэат прэміі «Оскар».
Бацька — прафесар Оксфардскага ўніверсітэта. Вучылася ў Оксфардзе, дзе і адбыўся яе сцэнічны дэбют. Першая прафесійная роля ў тэатры — Віёла ў «Дванаццатай ночы» (1952). З 1959 года ў трупе тэатра Олд Вік, які спецыялізуецца на шэкспіраўскім рэпертуары.
У кіно Сміт іграла пераважна ролі строгіх і характэрных персанажаў, такіх як Мінерва Макгонагал у фільмах пра Гары Потэра. Неаднаразова намінавалася на прэмію «Оскар» і двойчы выйгравала яе (1969 — «Росквіт міс Джын Бродзі», 1978 — «Каліфарнійскі нумар»). У 1989 годзе атрымала права далучыць да свайго імя ганаровы тытул дама (жаночы аналог дваранскага тытула сэр).
Ад шлюбу з сэрам Робертам Стывенсам (адным з выбітных акцёраў свайго пакалення) у Мэгі Сміт два сына. Абодва акцёры, малодшы вядомы па ролі галоўнага злыдня ў фільме «Памры, але не цяпер». Блізкая сяброўка Мэгі Сміт — лэдзі Джудзі Дэнч. Яны разам здымаліся ў Франка Дзэфірэлі ў стужцы «Чай з Мусаліні» у 1999 годзе, а таксама ў фільмах «Пакой з відам» (1985), «Дамы ў ліловым» (2004).
| Год | Беларуская назва | Арыгінальная назва | Роля | |
|---|---|---|---|---|
| ф | Дзіця ў хаце[en] | Child in the House | госця вечарынкі | |
| 1956 | с | Прыгоды Эгі[en] | The Adventures of Aggie | Фіёна Фробішэр-Сміт |
| ф | Патаемны сад | The Secret Garden | місіс Мэдлак | |
| ф | Гары Потэр і філасофскі камень | Harry Potter and the Philosopher's Stone | прафесар Мак-Гонагал | |
| тф | Мой будынак ў Умбрыі[en] | My House in Umbria | місіс Эмілі Дэлагунты | |
| ф | Лэдзі ў ліловым[en] | Ladies in Lavender | Джанет Уідзінгтан | |
| 2010—2015 | с | Абацтва Даўнтан | Downton Abbey | Ваялет Кроўлі, удава графіня Грэнтэм |