wd wp Пошук:

Марыа Манджукіч

.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Марыа Манджукіч (харв.: Mario Mandžukić; нар. 21 мая 1986, Славанскі-Брод, СФРЮ) — харвацкі футбаліст, нападнік. Ігрок нацыянальнай зборнай Харватыі (2007—2018).

Клубная кар’ера

Пачынаў гуляць у нямецкім клубе «Дытцынген», а затым перабраўся на радзіму і выступаў у складзе «Марсоніі». У 2005 годзе перайшоў у склад клуба «Заграб», дзе выступаў на працягу двух гадоў і пасля чаго перайшоў у іншы заграбскі клуб «Дынама», калі ў 2007 годзе атрымаў прапанову перайсці ў гэты клуб на замену Эдуарду да Сілвы, які пераехаў у англійскі «Арсенал». Сума трансферу склала 1,3 мільёна еўра. Манджукіч з ходу зайграў, у складзе «Дынама» у кваліфікацыйным матчы Кубка УЕФА супраць «Аякса» забіў два вырашальных мяча. Да яго праяўлялі інтарэс: «Шахцёр»[5], «Манчэстэр Сіці»[6] і іншыя вядомыя еўрапейскія клубы. У сезоне 2008/09 стаў найлепшым бамбардзірам чэмпіянату Харватыі, забіўшы 13 мячоў у 23 матчах.

26 чэрвеня 2012 года Манджукіч падпісаў кантракт з клубам нямецкай Бундэслігі «Баварыяй», паспяхова прайшоўшы медыцынскае абследванне, пасля свайго моцнага выступу на чэмпіянаце Еўропы 2012 года ва Украіне і Польшчы, і з-за яго выдатнага выступу ў футболцы іншага нямецкага клуба «Вольфсбурга» ў Бундэслізе[7].

Ужо ад самага пачатку Марыа стала пачаў забіваць мячы. 12 жніўня 2012 года ў матчы на Суперкубак Германіі нападнік забіў свой першы гол у афіцыйнай гульні супраць «Барусіі» на шостай хвіліне, што дапамагло баварцам заваяваць трафей. У першым туры ў матчы супраць «Гройтэр Фюрт» харвацкі ігрок забіў гол і дадаў яшчэ адзін на наступны тур у пераможным матчы са «Штутгартам» (6:1). Пасля гэтага Манджукіч запісаў на свой рахунак яшчэ 2 мячы ў матчы супраць свайго былога клуба «Вольфсбурга».

У наступных пяці матчах Бундэслігі бамбардзір забіў яшчэ чатыры мячы, такім чынам за 11 гульняў забіўшы 9 мячоў. Пасля зімовага перапынку ў чэмпіянаце Манджукіч працягваў стала забіваць мячы. Дзякуючы такой выдатнай гульні Марыа вымусіў сысці ў «Фіярэнціну» Марыа Гомеса, які страціў месца ў складзе каманды. Гэтак жа выдатна харвацкі легіянер выступаў у Лізе чэмпіёнаў, забіўшы ў 1/8 фінала лонданскаму «Арсеналу», а таксама прынёс перамогу ў выязным матчы 1/4 фіналу ў Турыне, у матчы супраць «Ювентуса». Наступны гол у Лізе чэмпіёнаў Манджукіч забіў ужо ў фінале, адкрыўшы лік. «Баварыя» тады ў нямецкім фінале супраць «Барусіі» трывала перамогу, дзякуючы пераможнаму голу Ар’ена Робена.

У новым сезоне Манджукіч узяў некаторы час на прыстасавання да новай схемы гульні, якую прасунуў новы трэнер мюнхенцаў Хасеп Гвардыёла. Аднак Марыа здолеў прыстасавацца да новага стылю гульні. Ён адкрыў новы сезон у Бундэслізе, забіўшы два галы ў двух матчах. Першы мяч у Лізе чэмпіёнаў забіў у хатнім матчы супраць маскоўскага ЦСКА на Альянц-Арэне (3:0).

Пасля зімовага перапынку не быў уключына ў заяўку на матч супраць «Барусіі», згодна з паведамленнем Гвардыёлі з-за дрэннай падрыхтоўкі на трэніроўцы[8]. Аднак ужо на наступны матч Марыа ўжо гуляў супраць «Штутгарта». 12 лютага Манджукіч забіў свой першы хет-трык у сезоне ў паўфінале кубка Германіі ў матчы супраць «Гамбурга» (5:0)[9]. Нягледзячы на тое, што харват быў айлепшым бамбардзірам клуба з 26 галамі на рахунку, ігрок быў выключаны са складу Гвардыёлам напярэдадні фіналу кубка. Манджукіч заявіў, што жадае пакінуць «Баварыю», бо яго стыль гульні не ўпісваецца ў стыль трэнера[10].

10 ліпеня 2014 года стала вядома, што Манджукіч падпісаў чатырохгадовы кантракт з мадрыдскім клубам «Атлетыка», які пасля сыходу Дыегу Косты шукаў нападніка[11]. Як мяркуецца, сума трансферу склала каля 22 млн еўра[12].

22 чэрвеня 2015 года італьянскі «Ювентус» абвясціў аб падпісанні кантракта з Манджукічам. Сума трансферу склала 19 млн еўра[13]. Да 2019 года быў адным з асноўных нападнікаў турынскага клуба, аднак з лета 2019 года новы галоўны трэнер Маўрыцыа Сары не бачыў Манджукіча ў складзе, нападнік не быў уключаны ў заяўку «Ювентуса» ў Лізе чэмпіёнаў, не выхадзіў не поле і ў іншых турнірах. У снежні 2019 года перайшоў у катарскі клуб «Аль-Дуайль»[14], аднак ужо ў ліпені 2020 года кантракт быў скасаваны.

У студзені 2021 года стаў іграком «Мілана», падпісаўшы кантракт да канца сезона з опцыяй пажаўжэння на год[15]. Не здолеў замацавацца ў складзе, пераважна выхадзіў на замену, выніковымі дзеяннямі не адзначаўся. У маі 2021 года стала вядома, што «Мілан» не будзе падаўжаць пагадненне з нападнікам[16].

У верасні 2021 года абвясціў аб завяршэнні кар’еры[17].

Міжнародная кар’ера

Марыа Манджукіч выступаў у складзе моладзевай зборнай Харватыі. У нацыянальнай зборнай Харватыі дэбютаваў 17 лістапада 2007 года ў матчы супраць каманды Македоніі[18].

У жніўні 2018 года абвясціў аб завяршэнні кар’еры ў зборнай.

Дасягненні

«Дынама» Заграб

«Баварыя»:

«Атлетыка»:

«Ювентус»:

Зноскі

  1. Mario Mandzukic // Transfermarkt — 2000. Праверана 9 кастрычніка 2017.
  2. Mario Mandžukić // FBref.com
  3. Mario Mandžukic // AsMadrid: Grupo PRISA, 1967.
  4. 1 2 http://www.juventus.com/it/squadre/prima-squadra/attaccanti/mario-mandzukic/index.php Праверана 23 верасня 2018.
  5. «Шахтёр» интересуется форвардом «Динамо»(недаступная спасылка). sport.segodnya.ua
  6. «Манчестер Сити» хочет Манджукича Архівавана 23 мая 2008.. podrobnosti.ua
  7. «New Bayern Munich signing Mandzukic: It is great to be here». Goal.com.
  8. Arsenal target Mario Mandzukic left out of Bayern squad as rift with Pep Guardiola deepens. mirror.co.uk.
  9. Mandzukic hits hat-trick as Bayern rout hapless Hamburg 5-0. Straitstimes
  10. Es ist das Beste, dass wir uns trennen. Süddeutsche Zeitung.
  11. Mandzukic is now an Atlético Архівавана 12 ліпеня 2014.. Atlético Madrid
  12. Atletico Madrid sign Mario Mandzukic. Goal.com
  13. «Ювентус» объявил о переходе Манджукича. by.tribuna.com
  14. «Аль-Духайль» подтвердил переход Манджукича. by.tribuna.com
  15. Манджукич перешел в «Милан». Контракт – на полгода. by.tribuna.com
  16. Манджукич покинет “Милан”. football.by
  17. Марио Манджукич объявил о завершении карьеры. football.by
  18. Чемпионат Европы 2008. Македония — Хорватия Архівавана 3 ліпеня 2008.. championat.ru

Спасылкі

Тэмы гэтай старонкі (21):
Катэгорыя·Нарадзіліся ў 1986 годзе
Катэгорыя·Вікіпедыя·Артыкулы з непрацоўнымі спасылкамі
Катэгорыя·Спартсмены паводле алфавіта
Катэгорыя·Ігракі ФК Заграб
Катэгорыя·Нарадзіліся ў Харватыі
Катэгорыя·Ігракі ФК Аль-Дуайль
Катэгорыя·Футбалісты паводле алфавіта
Катэгорыя·Ігракі ФК Ювентус
Катэгорыя·Ігракі ФК Баварыя Мюнхен
Катэгорыя·Ігракі ФК Марсонія
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Ігракі ФК Вольфсбург
Катэгорыя·Вікіпедыя·Біяграфіі сучаснікаў
Катэгорыя·Ігракі ФК Атлетыка Мадрыд
Катэгорыя·Ігракі ФК Дынама Заграб
Катэгорыя·Нарадзіліся 21 мая
Катэгорыя·Футбалісты Харватыі
Катэгорыя·Асобы
Катэгорыя·Ігракі зборнай Харватыі па футболе
Катэгорыя·Ігракі ФК Мілан
Катэгорыя·Вікіпедыя·Артыкулы з крыніцамі з Вікідадзеных