У Вікіпедыі ёсць артыкулы пра іншых асоб з прозвішчам Цеплякоў. Марцін Пантелеймонович Цеплякоў (10.01.1918, г. Заводаўкоўск Цюменская вобласць — 30.01.1944, Гомельская вобласць) — камандзір аддзялення 467-га стралковага палка, сяржант. Герой Савецкага Саюза.
Нарадзіўся 10 студзеня 1918 года ў вёсцы Дроново цяпер Заводаўкаўскага раёна Цюменскай вобласці. З 1936 года жыў у Якуціі, працаваў на Алданских залатых капальнях.
У 1940 годзе быў прызваны ў Чырвоную Армію, райваенкаматам. На фронце ў Вялікую Айчынную вайну з лютага 1942 года. Член ВКП(б) з 1943 года. Асабліва вызначыўся ў баях за вызваленне Беларусі, пры фарсіраванні Дняпра.
У ноч на 1 кастрычніка 1943 года пад агнём праціўніка з першым дэсантам байцы аддзялення сяржанта Цеплякова пераправіліся праз Дняпро у раёне вёскі Глушэц. У баі за плацдарм свае агнём прыкрывалі пераправу роты, адбіўшы 19 разлютаваных контратак праціўніка.
Указам Прэзідыума Вярхоўнага Савета СССР ад 15 студзеня 1944 года за ўзорнае выкананне баявых заданняў камандавання і праяўленыя пры гэтым мужнасць і гераізм сяржанту Цеплякову Мартыну Панцеляймонавічу прысвоена званне Героя Савецкага Саюза[1].
Высокія ўзнагароды радзімы Герой атрымаць не паспеў. 30 студзеня 1944 года ў баі каля вёскі Зарэчча сяржант Цеплякоў загінуў. Пахаваны ў брацкай магіле ў вёсцы Дуброва Светлагорскага раёна Гомельскай вобласці.
Узнагароджаны ордэнам Леніна.
Імем Героя названы вуліцы ў горадзе Алдане, Заводаўкаўске і ў вёсцы Дронава, дзе ў будынку школы ўстаноўлены абеліск. У пасёлку Ленінскім Алданскага ўлуса Рэспублікі Саха усталяваны помнік Героям Савецкага Саюза — алданцам Кір’янаву. П. Н., Лебядзеву А. І., Жадзейкіну М. С., Касмачэву М. М., Цеплякову М. П.
Мартын Панцеляймонавіч Цеплякоў на сайце «Героі краіны»
Тэмы гэтай старонкі (18):