wd wp Пошук:
    ⬜

    Мамаеў курган

    Мамаеў курган — курган вышынёй 102 м, размешчаны ў цэнтральнай часцы горада Валгаграда. Найвышэйшы пункт горада. Сваю назву курган атрымаў па імі хана Мамая, які меў дачыненне да гэтых краёў.

    За гэты ваенна важны курган, з якога бачны ўвесь горад, у час Сталінградскай бітвы і асабліва ў верасні 1942 і студзені 1943 гадоў адбываліся жорскія баі, у час якіх курган не раз пераходзіў з рук у рукі.

    Скульптура «Радзіма-маці»

    Пад кіраўніцтвам архітэктара Я. У. Вучэціча на Мамаевым кургане быў узведзены помнік-ансамбль «Героям Сталінградскай бітвы» (1963—1967). Галоўнае месца ў ім займае самая вялікая жаночая статуя ў свеце «Радзіма-маці». Гэта — жанчына з мячом у руцэ, у позе закліку да барацьбы. Вышыня статуі 85 м разам з мячом і 52 м без мяча[2].

    Адметнасцю скульптуры з’яўляецца тое, што яна свабодна, як шахматная фігура на дошцы, стаіць на сваёй апорнай пліце (вышыня 2 метры). Апорная пліта, у сваю чаргу, размешчана на галоўным падмурку (вышыня 16 метраў, але большая яго частка cкрыта пад зямлёй). Найскладанейшыя разлікі ўстойлівасці гэтай канструкцыі выкананыя доктарам тэхнічных навук М. У. Нікіціным — аўтарам разліку ўстойлівасці Астанкінскай тэлевежы. Уначы статуя асвятляецца пражэктарамі.

    Статуя зроблена з блокаў жалезабетону. Маса матэрыялу, без уліку асновы статуі, складае 5500 тон бетону і 2400 тон металічных канструкцый. Меч даўжынёй 29 метраў і вагай 14 тон зроблены з нержавеючай сталі. Дзеля памяншэння ветравога супраціўлення ў ім зроблены адтуліны.

    Выгляд на Волгу з Мамаева кургана ў Валгаградзе

    Зноскі

    1. ↑ GEOnet Names Server — 2018.
    2. ↑ Для параўнання, вышыня статуі Свабоды у ЗША складае 45 м і 93 м з пастаментам.

    Спасылкі

    commons: Мамаеў курган на Вікісховішчы
    Тэмы гэтай старонкі (8):
    Катэгорыя·Валгаград
    Катэгорыя·Помнікі паводле алфавіта
    Катэгорыя·Вікіпедыя·Спасылка на Вікісховішча непасрэдна ў артыкуле
    Катэгорыя·Вікіпедыя·Артыкулы з крыніцамі з Вікідадзеных
    Катэгорыя·Вікіпедыя·Артыкулы з пераазначэннем значэння з Вікідадзеных
    Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
    Катэгорыя·Культурная спадчына Расіі
    Катэгорыя·Помнікі Вялікай Айчыннай вайны ў Расіі