Малое Чарнова — возера ў Гарадоцкім раёне Віцебскай вобласці Беларусі ў басейне ракі Чарнаўка (цячэ праз возера), за 16 км у напрамку на паўночны захад ад горада Гарадок, за 2 км на паўночны ўсход ад вёскі Мыльнішча, за 1 км на поўнач ад вёскі Загуззе.
Плошча паверхні возера 0,25 км². Даўжыня каля 1,2 км, найбольшая шырыня 0,35 км, даўжыня берагавой лініі 2,9 (2,85[2]) км. Плошча вадазбору 18,1 км. Аб’ём вады ў возеры 1,16 млн м³[2].
Катлавіна возера выцягнутая ў напрамку з паўночнага захаду на паўднёвы ўсход. Схілы катлавіны вышынёй да 10 м. Берагавая лінія звілістая. Берагі і мелкаводдзе пясчаныя. Глыбей дно возера выслана ілам і сапрапелем.
Праз возера працякае рака Чарнаўка і злучае яго з возерам Чарнова.