Мадонна канцлера Ралена
«Мадонна канцлера Ралена» (нідэрл.: De Maagd van kanselier Rolin) — карціна мастака Яна ван Эйка, датаваная 1435 годам.
Нікалас Рален, канцлер герцагства Бургундыя пры Філіпе Добрым, чый данатарскі партрэт напісаны ў левай частцы палатна ў малітве перад Мадоннай, заказаў гэту карціну для сваёй прыхадской царквы Нотр-Дам-дзю-Шатэль (фр.: Église Notre-Dame du Châtel) у Ацёне, дзе яна знаходзілася да таго, як царкву спалілі ў 1793 годзе. Пасля знаходжання ў саборы Ацёна карціна ў 1805 годзе паступае ў Луўр.
Апісанне
На карціне намалявана Дзева Марыя з немаўлём Ісусам на каленах, якую карануе анёл, насупраць яе канцлер Рален. Дзеючыя асобы размяшчаюцца ў італьянскай лоджыі, дэкараванай калонамі і барэльефамі. На заднім плане бачны горад, які перасякае рака. Верагодна, гэта бургундскі горад Ацён, радзіма Ралена. Некаторыя са шматлікіх зямельных уладанняў канцлера ў наваколлях Ацёна ўключаны ў пейзаж[1].
Маленькі сад з кветкамі (ружы, касачы, ландышы, півоні), які бачны за калонамі, сімвалізуе бязгрэшнасць Дзевы Марыі[2]. За садам праглядаюцца дзве мужчынскія фігуры, якія стаяць спіной да гледача. У чалавеку, адзетым у сінія адзенні з чырвоным цюрбанам на галаве і з посахам у левай руцэ, многія бачаць аўтапартрэт самога мастака. (На аўтапартрэце Яна ван Эйка з калекцыі Нацыянальнай галерэі ў Лондане («Партрэт чалавека ў чырвоным цюрбане») мы заўважаем на мастаку такі ж чырвоны цюрбан). Побач з фігурамі бачныя два паўліны, сімвалы неўміручасці і гонару[3].
Фільмаграфія
- «Цуд у лоджыі», фільм Алена Жабера[fr] з цыкла «Палітры» (Францыя, 1989).
Згадванне ў культуры
- Песня «Мадонна канцлера Ралена» групы «Канцлер Гі» і праекта «Bregan D’Ert»
Зноскі
- ↑ Harbison, Craig, Jan van Eyck, The Play of Realism, pp.100-118, Reaktion Books, London, 1981, ISBN 0948462183
- ↑ Anita Albus Die Kunst der Künste. Erinnerungen an die Malerei, Frankfurt am Main: Eichborn Verlag 1997 Kapitel III (Aussicht vom Paradies) S. 19 bis 37
- ↑ Louvre page, section «The garden» Архівавана 13 ліпеня 2009 года.
Спасылкі
 |
Мадонна канцлера Ралена на Вікісховішчы |
|---|
- «Мадонна канцлера Ралена» у базе даных Луўра(фр.)
- Мадонна канцлера РаленаАрхівавана 22 жніўня 2009.(англ.)
Катэгорыя·Карціны 1435 года
Катэгорыя·Карціны паводле алфавіта
Катэгорыя·Карціны Яна ван Эйка
Катэгорыя·Ісус Хрыстос у жывапісе
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Карціны са збораў Луўра
Катэгорыя·Выявы Дзевы Марыі