wd wp Пошук:

Літоўская ваенная акадэмія генерала Ёнаса Жамайціса

Літоўская ваенная акадэмія генерала Ёнаса Жамайціса (літ.: Generolo Jono Žemaičio Lietuvos karo akademija) — літоўская дзяржаўная вышэйшая навучальная ўстанова, створаная для падрыхтоўкі афіцэраў, ваенных спецыялістаў і спецыялістаў па нацыянальнай бяспецы, якая знаходзіцца ў Вільнюсе.

Агульная характарыстыка

16 чэрвеня 1992 года ўрад Літоўскай Рэспублікі прыняў пастанову «Аб стварэнні Нацыянальнай акадэміі абароны», у адпаведнасці з якой была створана Нацыянальная вышэйшая школа абароны. 30 жніўня 1992 года па распараджэнні міністра нацыянальнай абароны Літоўскай Рэспублікі Нацыянальнай вышэйшай школе абароны быў уручаны ўласны сцяг і адбылася першая ўрачыстая працэсія. 18 студзеня 1994 года рашэннем Сейма Літоўскай Рэспублікі Нацыянальная вышэйшая школа абароны была рэарганізавана ў Літоўскую ваенную акадэмію. 20 ліпеня 1994 года Літоўская ваенная акадэмія ажыццявіла першы выпуск афіцэраў, а першым выпускнікам было прысвоена званне лейтэнанта.

20 лістапада 1998 года акадэмія атрымала імя партызанскага генерала Ёнаса Жамайціса. З 1 верасня 2000 года ў акадэмію таксама прымаюць дзяўчат. З 2002 года ў Літоўскай ваеннай акадэміі арганізавана магістратура. У 2003 годзе акадэмічныя даследаванні і ваенная падрыхтоўка падзяляюцца ў адпаведнасці з праграмай развіцця акадэміі. З 2012 года акадэмія сумесна з Універсітэтам Вітаўта Вялікага, Каўнаскім тэхналагічным універсітэтам і Клайпедскім універсітэтам пачалі рэалізоўваць дактарантуру ў галіне паліталогіі.

Спасылкі

Тэмы гэтай старонкі (7):
Катэгорыя·Навучальныя ўстановы, заснаваныя ў 1994 годзе
Катэгорыя·1994 год у Літве
Катэгорыя·Навучальныя ўстановы з літоўскай мовай навучання
Катэгорыя·Вышэйшыя навучальныя ўстановы Вільнюса
Катэгорыя·Універсітэты паводле алфавіта
Катэгорыя·Ваенныя вышэйшыя навучальныя ўстановы
Катэгорыя·Вікіпедыя·Артыкулы з пераазначэннем значэння з Вікідадзеных