У Вікіпедыі ёсць артыкулы пра іншых асоб з прозвішчам Кроль.
Ліпа Юльевіч Кроль (1 мая 1909, Мінск — 24 чэрвеня 1977) — беларускі мастак тэатра, плакатыст.
Удзельнік Вялікай Айчыннай вайны. Удзельнічаў у мастацкіх выстаўках з 1954 года. Аформіў спектаклі: «Канец дружбы» К. Крапівы (1934) у тэатры імя Янкі Купалы; «Людзі ў белых халатах» С. Кінгслі (1936) і «Серкеле» Ш. Этынгера (1940) у Дзяржаўным яўрэйскім тэатры БССР, «Настаўнік танцаў» Лопэ дэ Вэгі (1952), «Несцерка» В. Вольскага (1941), «Ноч памылак» О. Голдсміта і «У бэзавым садзе» Ц. Саладара (абодва 1954) у тэатры імя Якуба Коласа; «Блудны сын» Э. Ранета (1958) у Дзяржаўны рускім тэатры БССР. Сярод плакатаў: «Рэлігія — цемра» (1958), «Будзем пільнымі» (1961), «Дружба сілу нам дае» (1968), трыпціх «Улада — Саветам!», «Мір — народам!», «Зямля — сялянам!» (1966), серыя плакатаў «Урокі гісторыі» (1973).