Лён жоўты[3] (Linum flavum) — шматгадовая травяністая расліна роду Лён (Linum) сямейства Лёнавыя (Linaceae).
Сцеблы 20-40 см вышынёй.
Лісце тонкае, ледзь шурпатае па краі, ніжняе — лапатападобнае, тупое, сярэдняе і верхняе — даўгавата-ланцэтнае, завостранае, даўжынёй 2-5 см, шырынёй 3-12 мм.
Кветкі ярка-жоўтыя, у дыяметры да 3 см. Цвіце ў чэрвені-ліпені.
Від распаўсюджаны ў Еўропе і Азіі[4]. Ва Украіне сустракаецца паўсюдна, часцей у стэпе, расце на лясных палянах, зарасніках, схілах.