wd wp Пошук: ⬜

Людовік I Бурбон-Кандэ

Людовік I дэ Бурбон-Кандэ (7 мая 1530, Вандом, Луар і Шэр, Францыя — 13 сакавіка 1569, Жарнак, Шаранта, Францыя) — прынц дэ Кандэ, родапачынальнік роду Кандэ.

Біяграфія

Падчас разладаў паміж Гізамі і Бурбонамі, Кандэ, жанаты на пляменніцы Каліньі, стаў главой гугеноцкай змовы ў Амбуазе. Змова была раскрыта, Кандэ прысуджаны да смерці, але выратаваны Францыскам II (1560).

Камандуючы гугенотамі, Кандэ (1562) пачаў першую рэлігійную вайну, узяўшы гарады Арлеан, Руан і інш., але ў канцы гэтага года быў разбіты пры Дро; паранены і ўзяты ў палон, ён заключыў мір у Амбуазе (1563).

Пасля некалькіх гадоў бяздзейнасці Кандэ зноў узяўся за зброю і паспрабаваў захапіць караля Карла IX у Мо. Пасля бітвы пры Сен-Дэні прынц аблажыў і ўзяў Шартр (28 лютага — 15 сакавіка 1568), але 26 сакавіка 1568 года другі раз заключыў мір з дваром. Пазбегнуўшы замаху праціўнікаў, Кандэ пачаткаў новую вайну (1569) і ў бітве пры Жарнаку быў паранены, узяты ў палон і забіты баронам дэ Мантэск’ю па загадзе герцага Анжуйскага.

Шлюб і дзеці

22 чэрвеня 1551 года Людовік I дэ Бурбон-Кандэ пабраўся шлюбам з Элеанорай дэ Руа (24 лютага 1535 — 23 ліпеня 1564, Кандэ-ан-Бры). У гэтым шлюбе было народжана 8 дзяцей:

Генрых I Бурбон, прынц Кандэ (1552—1588)
Маргарыта дэ Бурбон (1556, памерла ў маленстве)
Шарль дэ Бурбон (1557—1558), граф дэ Валеры
Франсуа дэ Бурбон-Канці (19 жніўня 1558 — 3 жніўня 1614), прынц Канці, суверэнны князь Шато-Рэно
Луі дэ Бурбон (1562—1563, памёр у маленстве)
Карл II дэ Бурбон (19 жніўня 1562 — 30 ліпеня 1594), архібіскуп Руана з 1594
Мадлен дэ Бурбон (1563—1563, памерла ў маленстве)
Катрын дэ Бурбон (1564, памерла ў маленстве)

8 лістапада 1565 года Людовік узяў шлюб з Франсуазай Арлеанскай Лангвіль (5 красавіка 1549, Шатадзён — 11 чэрвеня 1601, Парыж) нарадзіліся:

Карл дэ Бурбон-Суасон, граф Суасон і Дро (3 лістапада 1566 — 1 лістапада 1612)
Луі дэ Бурбон-Кандэ (1567—1568, памёр у маленстве)
Бенжамін дэ Бурбон-Кандэ (1569—1573, памёр у дзяцінстве)

Ад Ізабелы дэ ла Тур ён меў пазашлюбнага сына (нар. 1564)

Зноскі

1 2 Bibliothèque nationale de France data.bnf.fr: платформа адкрытых дадзеных — 2011. Праверана 10 кастрычніка 2015.
↑ Library of Congress Authorities — Library of Congress. Праверана 24 жніўня 2019.
1 2 (unspecified title) Праверана 7 жніўня 2020.
1 2 Lundy D. R. The Peerage

Спасылкі

На Вікісховішчы ёсць медыяфайлы па тэме Людовік I Бурбон-Кандэ
Louis I de Bourbon, prince de Condé (англ.) . — артыкул з Encyclopædia Britannica Online. Праверана 27 чэрвеня 2012.

Пры напісанні гэтага артыкула выкарыстоўваўся матэрыял з Энцыклапедычнага слоўніка Бракгаўза і Ефрона (1890—1907).